Универсам ғимараты
"Универсам" ғимараты 1979 жылы Алматы қаласында салынды. Жобаның авторлары: археолог М.Қабылбаев, Ш.Уәлиханов. Ғимарат қазіргі архитектуралық үлгісімен тұрғызылған. Жалпы ауданы 6 мың м2, оның ішінде сауда залы 2920 м2. Дүкеннің архитектуралық кұрылымы жинақы; 1-және 2-қабатында сауда залдары, 3-қабатында тұрмыстық бөлмелері орналасқан. Шаршыланып келген ғимараттың астыңғы 2 кабаты тіреу бағаналар тізбегімен көтеріліп, үстіне еңселі дөдеге іспетті шығыңқы қабат орнаған."Универсам" ғимараты кұрастырмалы темір-бетон конструкцияларынан тұрғызылған. Ғимараттың қасбетін әрлеуге гранит, мәрмәр, ұлутас қолданылып, қазақтың ұлттық өрнегі іспетті әсем шілтерлі күнқағармен безендірген.[1]
Дереккөздер[өңдеу | қайнарын өңдеу]
- ↑ Қазақ мәдениеті. Энциклопедиялық анықтамалық. Алматы: “Аруна Ltd.” ЖШС, 2005 ISBN 9965-26-095-8
 | Бұл мақаланы Уикипедия сапа талаптарына лайықты болуы үшін уикилендіру қажет. |
 | Бұл мақалада еш сурет жоқ.
Мақаланы жетілдіру үшін қажетті суретті енгізіп көмек беріңіз. Суретті қосқаннан кейін бұл үлгіні мақаладан аластаңыз.
|