Уолтер Стюарт, Атолл графы
| Уолтер Стюарт ағыл. Walter Stewart | ||
| Лауазымы | ||
|---|---|---|
| ||
| Өмірбаяны | ||
| Діні | Христиандық | |
| Дүниеге келуі | 1360 | |
| Қайтыс болуы | 26 наурыз 1437 Эдинбург | |
| Династия | Стюарттар | |
| Әкесі | Роберт II | |
| Анасы | Ефимия де Росс | |
өңдеу  |
||
Уолтер Стюарт (ағыл. Walter Stewart; шам. 1360 — 26 наурыз 1437), - Атолл графы (1404 жылдан бастап); Кейтнесс (1389 жылдан бастап), Стратерн (1389—1406, 1427—1437) — Стюарттар әулетінен шыққан шотландық барон, Шотландия тағына үміткер.
Уолтер шотланд королі Роберт II-нің екінші некесі Ефимиядан туған ең кіші ұлы. 1426 жылы ағалары мен олардың балалары қайтыс болғаннан кейін, Уолтер король Яков I-ге ең жақын туысы және мұрагері болды. Алайда 1430 жылы патшада ұл туған соң Уолтердің таққа мүмкіндігі азайды. Сол уақытта, Яковтың авторитаризмі Шотландияның ірі магнаттарының наразылығын тудырды. Атолл графының королді жақтырмаушылығының жеке себептері болған: 1424 жылы Яков I Атолл графының ұлын Англияға Шотландия королнің төлемін өтеуге кепілдік ретінде жіберді. Ағылшын тұтқынында Уолтер Стюарттың ұлы қайтыс болды. Атолл графының сонымен қатар 1427 жылы Стратерн графтығын оған берудегі патшаның шарты наразылық туғызды, оған сәйкес Уолтер Стюарттың мұрагерлері графтыққа құқылы болмады.
Нәтижесінде, 1437 жылы Атолл Яков I-ге қарсы шотландық барондардың астыртын сөз байламға қатысты. Астыртын әрекеттің басында Уолтердің немересі сэр Роберт Стюарт болды. Оның бастамасымен Атолл графы Шотландия тағына талаптарын жариялады. Себептер мынадай болды: Яков I-нің әкесі, Роберт III Роберт II-нің бірінші әйелімен некеге тұруынан бұрын дүниеге келді, ал Уолтер Стюарт, сөзсіз, Роберт II-нің екінші некеден туған заңды ұлы болды. Осылайша, Атолл графы Яков I-ні өтірік патша деп және Шотландия тағына талаптарын жариялауға мүмкіндік алды.
1437 жылы 21 ақпанда түнде қастықшылар Перттегі патша сарайына баса-көктеп кірді. Патша едендегі кәріздік тесік арқылы қашуға тырысты, бірақ ол жабық болды. Қастықшылар қарусыз Яков I-ні тауып, шаншып өлтірді.
Шотландық магнаттардың Яков I-ге кейбір наразылықтарына қарамастан, ол қайтыс болғаннан кейін барондар бірден қайтыс болған патшаның жас ұлы Яков II-ні патша ретінде таныды. Атолл графы, оның немересі Роберт және басқа да қаскүнемдер Эдинбургта тұтқындалып, бастарын шауып тастады. Уолтер Стюарттың мүлкі тәркіленді.