Уран слюдасы

Уран слюдалары

Уран слюдалары (ағылшынша uranites, autunites; неміс. Uranglimmer; француз. micas d'uranium;) - сулы фосфаттар, арсенаттар, вандаттар класына жататын уран минералдарынынң тобы. Уран слюдалары — U ×10⁶⁺ мен екі валентті металдардың қос тұздары. Бұлардың кристалдық құрылымы қабыршақтана біткен, жымдастығы слюда тәрізді бір бағытта, мүлтіксіз; сондықтан да «уран слюдасы» деп аталған. Бұл топқа жататын минералдар қасиеттері мен жаралу жағдайларының бір-біріне жақындығымен сипатталады. Уран слюдасының кристалдық құрылымдарының негізі [UO₂ (XO₄)]×10² — түріндегі жиырылмалы тетрагондық тор, мұндағы X=V, As,P.

Түстері:

• ашық сары,
• сарғыш,
• ашық жасыл,
• жылтырлығы шынадай.

Жұқа жапырақшалары мөлдір, қалың жапырақтары күңгірт болады. Тығыздығы 3000-6230 кг/м³, радиактивтілігі күшті. Гидротермальдық жәнее шөгінді кендердің тотығу зоналарында тараған.

Басты минералдары:

• трергерит,
• торбенит,
• цейнерит,
• метаторбернит,
• метацейнерит,
• ураноцирцит,
• фосфуранилит,
• карнотит,
• сенгеиерит. Мол шоғырларынан уран, радий, кейде ванадий өндіріледі.