Уэсли Снейдер

Уикипедия — ашық энциклопедиясынан алынған мәлімет
Jump to navigation Jump to search
Уэсли СнейдерФутбол
Wesley Sneijder '14-15.JPG
Жалпы мағлұмат
Туған күні 9 маусым 1984(1984-06-09) (35 жас)
Утрехт, Нидерланд
Азаматтығы  Нидерланд
Бойы 170
Салмағы 67
Клуб жайлы ақпарат
Клуб карьерасын аяқтады
Номері 10
Карьера
Жастар клубы
Нидерланд БЖСМ (Утрехт)
1991—2002 Нидерланд Аякс
Клуб карьерасы*
2002—2007 Нидерланд Аякс
2007—2009 Испания Реал Мадрид 52 (11)
2009—2013 Италия Интернационале 76 (13)
2013—2017 Түркия Галатасарай 71 (25)
2017—2018 Франция Ницца 5 (0)
2018 Катар Әл-Гарафа 22 (15)
Ұлттық құрамы**
1999— Нидерланд Нидерланд (15 дейін) 1 (0)
2000—2001 Нидерланд Нидерланд (16 дейін) 6 (2)
2001— Нидерланд Нидерланд (18 дейін) 2 (1)
2001—2002 Нидерланд Нидерланд (19 дейін) 8 (3)
2003— Нидерланд Нидерланд (21 дейін) 1 (0)
2003—2018 Нидерланд Нидерланд 134 (31)

* Кәсіби клубтарда соққан голдары мен ойындары тек әртүрлі ұлттық лига чемпионаттарында ғана саналады, өңделді 6 қазан 2014.

** Ресми матчтарда ұлттық құрамда болған ойындары мен голдар саны.

Уэсли Беньямин Снейдер (нидер. Wesley Benjamin Sneijder; 1984 жылы 9 маусымда Утрехт қаласында Нидерландта дүниеге келген) — нидерландтық футболшы, жартылай қорғаушы.

Мансабы[өңдеу]

Аякс[өңдеу]

«Аякс» клубында

Уэсли Утрехт қаласында дүниеге келді, бірақ футболды амстердамдық Аякс академиясында үйрене бастады. Уэсли — футболшылар отбасысынан: әкесі бұрын кәсіби футболшы болған, ал үлкен ағасы Джефри Нидерланд лигасындағы «Стормвогелс Телстар» клубында ойнаған, ал інісі Родни - «Алмере Сити» клубында өнер көрсетеді.

Снейдер Аякс сапында алғаш рет 2002 жылы 22 желтоқсанда «Эксельсиор» клубына қарсы ойнап, 2:0 есебімен жеңіске жетті. Бас бапкер Рональд Куманның нұсқауы бойынша жастар клубына барды. Бірақ кейін қайта негізгі құрамға келіп, тұрақты ойыншы болу үшін барлығын жасады. 2006/07 маусымда Нидерланд чемпионатында 18 гол соқты, оның көбісі айып соққыларыннан қақпаға түскен еді. Снейдер көп жаттықты, ойынды жақсы көрсетіп, дамыды, бірақ Аякстан кету керек екенің түсінді. Клуб ештеңені жеңе алмады, тіпті УЕФА Кубогінен ұшып кетті. Сол кезде «Реал Мадрид» Уэслимен қызыққан болатын.

Реал Мадрид[өңдеу]

2007 жылы 12 тамызда «Аякс» футболшының көшуіне келісіп, Снейдерді «Реал Мадридқа» 27 млн. еуроға сатты. Снейдер нидерландтық футболшылардың ішінен екінші ең қымбат ойыншы атанды, бірінші болған Руд ван Нистелрой еді, ол 2001 жылы ПСВ-дан «Манчестер Юнайтедке» 30 млн. еуроға сатылды. Снейдерден басқа «Реал Мадрид» сапына тағы да екі голландтықтар қосылды, олар Ройстон Дренте мен Арьен Роббен еді.

Алғашқы матчында Снейдер мадридтық дербида «Атлетико Мадридқа» қарсы жеңіс голын соққан еді. Келесі матчта «Вильярреал» клубына екі рет гол салып, оның біреуі айып соққысынан қақпаға түскен.

Интернационале[өңдеу]

«Интер» клубында

«Реал Мадрид» Криштиану Роналду мен Каканы қомақты сомаға сатып алғаннан кейін, Снейдер негізгі құрамда ойнамайды деген ой пайда болды. Миландық келісімге келіспей, көптеген уақыт бойы жаттығулар арқылы негізгі құрамға өте алам деген сеніммен жүрді. Алайда «Интердің» бас бапкері Жозе Моуриньомен жеке сөйлескеннен кейін, ойын өзгертіп, Италия чемпионатына көшіп кетті. Трансфер құны 15 млн.еуро болды. Алғаш маусымынан-ақ жаңа клубпен Чемпиондар Лигасын жеңіп, турнирдің ең үздік жартылай қорғаушысы атанды.

2010 жылы 7 қарашада «Брешиа» клубына қарсы ойнағанда өзін нашар сезінді. Медециналық тесттер оның анемиямен ауыратынын анықтады. Бұл алдыңғы маусымдарда тым көп ойын көрсеткені себебінен болып шықты.

Галатасарай[өңдеу]

2013 жылы қаңтарда түрік клубымен 3.5 жылдық келісімге қол қойды. Трансфер құны 7,5 млн. еуроны құрады. Жалақысы жылына 5,5 млн. болып, 14 нөмірге ие болды.

2013 жылы нөмерін 10-ға өзгертті.

Нидерланд ұлттық құрамасында[өңдеу]

Ұлттық құрамада

2003 жылы ұлттық құрама үшін Португалияға қарсы ойында алаңға шықты. Ұлттық құраманы Марко ван Бастен басқарғаннан кейін, Снейдер үнемі ұлттық құрамаға шақырылып тұратын болды. Оның құрамында Уэсли Германиядағы 2006 жылғы әлем чемпионатына, Оңтүстік Африкадағы әлем чемпионатына қатысып, 5 рет голмен ерекшеленді.

Жетістіктері[өңдеу]

Аякс

  • Нидерланд чемпионы: 2003/04
  • Нидерланд Кубогінің иегері: 2005/06, 2006/07
  • Нидерланд Суперкубогінің иегері: 2002, 2005, 2006

Реал Мадрид

  • Испания чемпионы: 2007/08
  • Испания Суперкубогінің иегері: 2008

Интер

  • Италия чемпионы: 2009/10
  • Италия Кубогінің иегері: 2009/10, 2010/11
  • УЕФА Чемпиондар Лигасының чемпионы: 2009/10
  • Италия Суперкубогінің иегері: 2010

Галатасарай

  • Түркия чемпионы: 2012/13
  • Түркия Кубогінің иегері: 2014
  • Түркия Суперкубогінің иегері:: 2013

Нидерланд ұлттық құрамасы

  • Еуропа чемипонатының қола медаль иегері: 2004
  • Әлем чемипонатының күміс медаль иегері:2010
  • Әлем чемипонатының қола медаль иегері: 2014

Сыртқы сілтемелер[өңдеу]

Реал Мадридтің жанкүйерлерінің сайтындағы профилі (орыс.)

footballdatabase.com сайтындағы профилі