Уәлиев Қадірбек

Уәлиев Қадірбек— 1938 жылы 20 маусымда Жамбыл облысы, Жамбыл ауданы, "Қызыл Октябрь" ұжымшарында туған. . 1957 жылы Қаратау қаласындағы орта мектепті бітіргеннен кейін үш жыл тракторшы, слесарь-моторшы болып істеген.

ҚазМУ-дың филология факультетін 1965 жылы бітірген. 1965-1967 жылдары Қазақ теледидарында, 1967-1980 жылдары "Қазақ әдебиеті" газетінде, 1980-1984 жылдары "Өнер" баспасында, 1984 жылдан бастап Мәдениет министрлігі театр бөлімі мен репертуарлық-редакциялық коллегиясында қызметтер атқарған.

"Сахна — менің өмірім", "Көгілдір шымылдық түрілген", "Тұғыры биік тұлға" атты кітаптары бар. Д.МаминСибиряктің "Ақбөз ат", А.Серафимовичтің "Орман тынысы" жөне "Үш дос", А.Кононовтың "Көпір үстінде", С.Алексеевтің "Суық торғай", А.Толстойдың "Эмигранттар", Ж.Көктоның "Адам даусының жаңғырығы", В.ғавельдің "Жат тілділер", М.Ғапаровтың "Түзды шол", А.Стравицкийдің "Қасіретті жекпе-жек" кітаптарын аудартан.

==Дереккөздер==