Уәли Қалиақпарұлы Бекенов

Уәли Қалиакпарүлы Бекенов (15.11.1934 жылы туған, Қытай, Шыңжаң өлкесі, Үрімжі ауданы, Еренқабырғаның Саршоқы өнірі, Ақтерек ауылы) -күйші, домбырашы, зерттеуші, Қазақстанның еңбек сіңірген қызметкері (1993). Үрімжіде мүғалімдер гимназиясын (1951), Семей музыкалық училищесін (1956), Алматы консерваториясын (қазіргі Қазақ ұлттық консерваториясы) бітірген (1965). 1951 - 52 ж. Шыңжаң ән-би ансамблінде, 1952 - 55 ж. Пекиндегі Орталық ұлттар ән-би ансамблінде өнер көрсетті. Консерваторияны бітіргенен соң, Қазақстан Оқу министрлігінің ғылыми-әдістемелік кабинетінің меңгерушісі болып қызмет істей жүріп, Арқаның, Қаратау өңірінің шертпе күйлерін жинап, нотаға түсірді. 1981 жылдан Республикалық музыка мектебінде ұстаздық етті. "Күй көтерер көңілдің көкжиегін" (1975), "Шертпе күй шеберлер!" (1977), "Өркен жайған қобыз өнері" (1980), "Күй табиғаты" (1981), "Тәттімбет. Саржайлау" (1988), "Аспаптау" (1989), т.б. қітаптары жарық көрді. "Жеңгей сүйер", "Ерен толғау", "Күй аңсағай", "Боздағым" атты күйлері бар.