Фаузия Хәкімбекқызы Тажина
| Фаузия Хәкімбекқызы Тажина | |
| Туған кездегі есімі |
Фаузия Хәкімбекқызы Тажина |
|---|---|
| Туған күні | |
| Туған жері | |
| Белсенділік жылдары |
2022 жылдан бастап |
| Мемлекет | |
| Мамандықтары |
Дирижер, скрипкашы, оқытушы |
| Аспаптары |
Скрипка, ұрмалы аспаптар, блокфлейта |
| Ұжымдары |
«Сібір Камератасы» камералық оркестрі |
| Фаузия ТАЖИНА — Томская Областная Государственная Филармония | |
Фаузия Хәкімбекқызы Тажина (13 шілде 1990, Алматы) — қазақстандық дирижёр, скрипкашы, «Сібір Камератасы» камералық оркестрдің көркемдік жетекшісі және бас дирижёрі, Халықаралық деңгейде өнер көрсететін музыкант.[1]
Өмірбаяны және білімі
[өңдеу | дереккөзін өңдеу]Фаузия Тажина 1990 жылы Алматы қаласында қарапайым отбасында дүниеге келген. Бес жасынан бастап скрипкада ойнауға құштарлық танытқан. 1998–2003 жылдары Алматыдағы М.Төлебаев атындағы №5 Балалар музыка мектебінде білім алған. 2003–2005 жылдары Астанадағы Қазақ ұлттық музыка академиясында (қазіргі К. Байсейітова атындағы өнер университеті) оқыған. 2005–2009 жылдары А.Ф.Муров атындағы Жаңасібір музыкалық колледжінде профессор, скрипкашы, Ресей Федерациясының еңбек сіңірген өнер қайраткері, «Жылтыр ысқыштар» (Блестящие смычки) камералық оркестрінің жетекшісі Марина Александровна Кузинаның сыныбында тәлім алады. 2009–2017 жылдары М.И. Глинка атындағы Жаңасібірдің мемлекеттік консерваториясында (академияда) скрипка мамандығы бойынша бакалавр және магистратураны, сондай-ақ ассистентура-тағылымдаманы аяқтаған. Скрипка бойынша оқытушысы — Марина Кузина. Сонымен қатар опера және симфониялық дирижёрлеу мамандығы бойынша кәсіби қайта даярлаудан өткен (доцент Вячеслав Иванович Прасолов сыныбы).[1][2]
Шеберлік сыныптары
[өңдеу | дереккөзін өңдеу]- Скрипка аспабы бойынша: профессор Эдуард Шмидер (Temple University, Филадельфия, АҚШ) және Борис Гарлицкий курстары;
- Камералық орындаушылық: Д. Шрайбер;
- Дирижёрлеу: Алексей Шатаний, профессор Владимир Понькин (Томск, 2022 жыл, желтоқсан).[1]
Мансабы
[өңдеу | дереккөзін өңдеу]Фаузия Тажина кәсіби мансабын скрипкашы және камералық орындаушы ретінде бастады. Жаңасібірдегі оқуын аяқтағаннан кейін ол скрипка аспабында жеке орындаушы және әртүрлі камералық ұжымдардың мүшесі ретінде белсенді өнер көрсетті. Жаңасібір мемлекеттік консерваториясының студенттік және камералық оркестрлерімен, сондай-ақ «Жылтыр ысқыштар» камералық оркестрімен жұмыс істеді. Кейін Томск академиялық симфониялық оркестрімен тығыз ынтымақтастық орнатып, «Балалар оркестрмен ойнайды» жобасын басқарды. Бұл жоба Томск облысындағы дарынды жастарды қолдауға бағытталған концерттік бағдарламалар сериясынан тұрады. Сонымен қатар оның шығармашылық қызметінде ішекті аспаптар квартетін басқару тәжірибесі бар.[3]
2021 жылдың қазан айында «Сібір Камератасы» (орыс. Камерата Сибири) негізін қалаушысы және ұзақ жылдар бойы көркемдік жетекшісі әрі бас дирижёрі болған Антон Георгиевич Шароев қайтыс болды. Осыдан кейін оркестр бірнеше ай бойы дирижёр мен көркемдік жетекшісіз қалды. 2022 жылдың ақпан айынан бастап «Сібір Камератасы» камералық оркестрінің көркемдік жетекшісі әрі бас дирижёрі болып Фаузия Тажина тағайындалды. Оның басшылығымен оркестрдің концерттік бағдарламалары байып, жаңа шығармалармен толықты. Оркестр құрамына 13 әйел музыканттар қосылып, БАҚ-та «Әйел камералық оркестрі» деп таныла бастады. 2022 жылғы 9 ақпанда Фаузия Тажина «Сібір Камератасы» камералық оркестрмен алғашқы дебютін жасап, «1685: Туған күн» атты концерттік жобаны ұсынды. Аталған жоба Иоганн Себастьян Бах пен Георг Фридрих Гендельдің шығармашылығына арналды.[3][4][5]
Концерттік қызметі
[өңдеу | дереккөзін өңдеу]Фаузия Тажина әртүрлі елдердің сахналарында өнер көрсетті. Ол Қазақстан (Алматы, Астана), Ресей (Жаңасібір, Барнаул, Омск, Томск, Кемерово, Түмен, Абакан, Мәскеу), Украина (Киев), Аустрия (Вена), Италия (Лониго), Финляндия (Йювяскюля), Оңтүстік Корея (Сеул, Пусан), Израиль (Тель-Авив), Франция (Париж) және АҚШ (Нью-Йорк) қалаларында концерттер өткізді.[1]
Фаузия Тажина қысқа уақыт ішінде кәсіби дирижëр ретінде қалыптасып, Ресей мен халықаралық музыкалық кеңістікте танымал бола бастады.
Байқаулар
[өңдеу | дереккөзін өңдеу]2007 ж. – «Жас таланттар-облыстың мерейтойы» мәдениет оқу орындары студенттерінің өнер фестивалінің лауреаты;
2009 ж. – «Музыкалық өнер» номинациясы бойынша «Ресейдің жас дарындары» Бүкілресейлік байқауының 1-кезең жеңімпазы;
2009 ж. – «ХХІ ғасырдың өнері мен білімі» халықаралық байқауы, Лониго, Италия (1 премия);
2010 ж. – «ХХІ ғасырдың өнері мен білімі» халықаралық байқауы, Киев, Украина (1 премия).[1]
Шығармашылық ерекшелігі
[өңдеу | дереккөзін өңдеу]Фаузия Тажина музыкалық-ағартушылық қызметпен белсенді айналысып, барокко, минимализм және композиторлардың өмірі тақырыптарында дәрістер мен шығармашылық кездесулер өткізеді. Дирижёрлік тәжірибесінде ол оркестрді көбінесе дәстүрлі дирижëрлік таяқшасыз, тек қол қимылдары арқылы басқарады.[6]
Дереккөздер
[өңдеу | дереккөзін өңдеу]- 1 2 3 4 5 Фаузия ТАЖИНА — Томская Областная Государственная Филармония. Тексерілді, 26 сәуір 2026.
- ↑ ФАУЗИЯ ТАЖИНА – ЧЕЛОВЕК-ОРКЕСТР? - Тюменская правда - Общественно-политическая газета Тюменской области. Тексерілді, 26 сәуір 2026.
- 1 2 Музыка как иллюзия полета. Тексерілді, 26 сәуір 2026.
- ↑ Знакомьтесь, Фаузия Тажина: оркестр «Камерата Сибири» с новым лицом. Тексерілді, 26 сәуір 2026.
- ↑ О коллективах проекта «Культурное сотрудничество». Тексерілді, 26,04.2026.
- ↑ Чем уникальна дирижер из Тюмени Фаузия Тажина: про единственную в Тюмени женщину-дирижера сняли фильм — видео и подробности - 14 мая 2024 | 72.ру. Тексерілді, 26 сәуір 2026.
Әдебиет
[өңдеу | дереккөзін өңдеу]- Д.М. Женщины-дирижеры — в оркестрах стран мира. — М.: КнигИздат, 2023. – 274 с. Тираж 116. ISBN 978-5-4492-0528-5.