Федосеев Владимир Михайлович

Федосеев Владимир Михайлович (1924 жылы туған, Украина, Херсон қаласы) – соғыс және еңбек ардагері. Батыс Қазақстан облысы Шыңғырлау ауданы Сұлукөл МТС-нда механизатор (1941 – 42), Ленинград әскери байланыс училищесінде курсант (1942 – 1943), Воронеж және Украина майдандарында 138-атқыштар дивизиясы 296-атқыштар полкінде аға радиотелеграфист болған. Мәскеу қаласындағы Ленин атындағы әскери училищеде курсант (1944 – 46), комсомол, партия ұйымының хатшысы (1948 – 51), Майкоп қаласындағы 121-полк командирінің орынбасары (1951 – 53), 9-атқыштар дивизиясында партия ұйымының хатшысы (1953 – 56), Егіндікөл ауданы «Тайыншақұ-рылыс» тресінде бөлім бастығы, Егіндікөл ауданы партия комитетінде бөлім меңгерушісі (1956 – 64), Степногорск қалалық партия комитетінде бөлім бастығы (1964 – 69), Степногорск қалалық халық депутаттары кеңесінің төрағасы (1969 – 74) қызметтерін атқарған. Медальдармен марапатталған.