Фивы (Греция)

Уикипедия — ашық энциклопедиясынан алынған мәлімет
Мұнда ауысу: шарлау, іздеу

ФивыБеотиядағы ежелгі грек қала-мемлекеті. Қаланың көнелігін Микен дәуірінің ескерткіштері дәлелдеді. Б.з.б. 6 ғасыр қарсаңында Фивыны билеген жергілікті тайпалар Беотияның барлық қала-мемлекеттерін біріктіріп, Беотия одағын құрды. Осы кезеңде Фивы ежелгі грек өркениетінің ірі орт-тарының бірі болды. Бұл одақ грек-парсы соғыстары (б.з.б. 500449) кезінде парсыларды қолдады. Грек қала-мемлекеттері арасында болған өзара соғыстардан кейін Спарта талқандап, б.з.б. 387 жылы Анталкид бітіміне сәйкес Беотия одағы таратылды. Фивы өзінің бұрынғы маңызын жойып, ішкі дағдарыс қалыптасты. Б.з.б. 338 жылы Фивыны Македония жаулап алды, 335 жылғы Македонияға қарсы көтерілісті басқаннан кейін қала жермен-жексен етіп, күйретілді. Б.з.б. 315 жылы Фивы жартылай қалпына келтірілді, бірақ оның саяси рөлі төмендеп кетті. Фивы – қазір Грекиядағы шағын қала.

Сілтемелер[өңдеу]

Қазақ Энциклопедиясы, 9 том.