Фотолаборатория

Фотолаборатория - жарық сезгіш фотография материатдарымен жұмыс істеуге арналған (сыртқы жарық көзінен қорғалған) үй (бөлме).

Стационар Фотолаборатория

Стационар Фотолаборатория — электр энергиясымен, сумен қамтамасыз етіліп, желдеткішпен жабдықталады. Мұндай фотолабораторияның әшіне фотографиялық кассеталар мен аппараттарды зарядтауға, фотоматериалдарды айқындауға, бекітуге, күшейтуге, әлсіретіге және жууға арналған столдар, сондай-ақ қажетті химиялық заттарды, ерітінділерді, фотоматериалдар мен химиялық ыдыстарды сақтау үшін шкафтар қойылады. Фотолабораторияда кескіндерді шығаруға арналған қондырғылар, кептіргіш құрылғылар, лабораториялық шамдар, термометр, таразы т.б. болады. Әдетте фотолабораторияның төбесі мен қабырғасы ақ не ақсары түспен боялады. Ірі Фотолаборатояларда айқындауыш машиналар, репродукциялық қондырғылар т.б. болады.

Жылжымалы фотолаборатория

Жылжымалы фотолаборатория— автомобольге, самолетке, космостық ұшу аппараттарына т.б. орнатылады. Көп жағдайда мұндай фотолаборатоияларда фотоматериалдарды өңдеу процесін автоматты түрде әрі тез жүргізуге арналған құрылғылар болады.