Франко

Уикипедия — ашық энциклопедиясынан алынған мәлімет
Jump to navigation Jump to search

Франко (фр. franco — әлденеден азат) — тауарды сатып алу-сату (жеткізу) мәмілесінде шартта көрсетілген жерге дейінгі көлік шығынын сатушы мен сатып алушы арасында бөлісуді білдіретін коммерциялық термин. Франкода көрсетілген жерге дейінгі шығынды түгелімен жеткізуші көтереді, қалғанын сатып алушы көтереді. Тауарды жеткізу жөніндегі міндеттеменің орындалатын жері мен тәсілін айқындау үшін және көлік шығынын (тауарды тасымалдау, тиеу, түсіру шығынын) жеткізуші мен тұтынушы арасында бөлісу үшін қолданылады. Франко босату бағасының мынадай түрлері бар: жеткізушінің Франко-қоймасы, мұнда өнімді жеткізушінің қоймасынан тасымалдау мен жеткізуге байланысты барлық шығынды тұтынушы көтереді; Франко-вагон (баржа, кеме борты)-жөнелтушінің стансасы жеткізушінің өнімді тиеуге дейінгі көлік шығынын түгелімен қамтиды, ал оны әрі қарай тасымалдау ақысын сатып алушы төлейді; Франко-вагон апарылатын станса (айлақ) апарылатын станцияға дейінгі барлық көлік шығынын жеткізуші төлейтінін, ал вагоннан түсіру және одан әрі тасымалдау шығынын тұтынушы мойнына алатынын көрсетеді.[1][2]

Дереккөздер[өңдеу]

  1. Қаржы-экономика сөздігі. — Алматы: ҚР Білім жэне ғылым министрлігінің Экономика институты, «Зияткер» ЖШС, 2007. ISBN 978-601-215-003-2
  2. Банк терминдері мен ұғымдарының қазақша-орысша сөздігі. / Ғ. Сейіткасымов, Б. Бейсенғалиев, Ж. Бекболатұлы — Алматы: Экономика, 2006. ISBN 9965-783-20-9