Франко Баамонде Франсиско

Уикипедия — ашық энциклопедиясынан алынған мәлімет
Мұнда ауысу: шарлау, іздеу
Francisco Franco Bahamonde
Франциско Франко Дуайт Эйзенхауэр США президентімен, 1959

Франко Баамонде Франсиско (4.12.1892, Эль-Ферроль — 20.11.1975, Мадрид) — Испанияның диктаторы, генералиссимус. Жаяу әскер академиясын бітірген. Испанияның Африканы отарлау соғысына қатысып, Мароккодағы жеңістерінің арқасында 33 жасында генерал дәрежесін алды (1925). Франко — Испания тарихындағы ең жас генерал. 1927 — 1931 ж. қалпына келтірілгенде Сарагоса қасындағы әскери академияның бастығы болды. 1936 — 1939 ж. Испаниядағы азамат соғысы кезінде әскери фашистік бүлікті басқарды. Германия мен Италияның көмегіне сүйеніп республикашыларға қарсы күресті. 1939 ж. Испаниядағы республика құлағаннан кейін елде авторитарлық диктатура орнатты. Әскери хунта оны Испанияның өмірлік басшысы (каудильо) етіп жариялады. Ол Испания министрлер кеңесінің төрағасы (1973 жылға дейін), сондай-ақ әскери қарулы күштердің бас қолбасшысы болды. Елдегі саяси партияларға тыйым салынды. 2-дүниежүз. соғыс кезінде Франко Германия мен Италияға көмектесіп, соғыс аяқталғаннан кейін АҚШ-пен тығыз байланыс орнатты. 1947 ж. Испанияда корольдік басқару қайта орнайды деп жариялағанымен өзі өлгенше басқару өзгермеді. Франко 1969 ж. 22 шілдеде Хуан Карлос Бурбонды (1902 — 31 ж. Испанияны билеген король Альфонс ХҚҚҚ-нің немересі) өзінің мұрагері және Испанияның болашақ королі етіп жариялады. Ол әрқашан Рим папасының қолдауына сүйенді. Франко диктатурасы испан халқына аса ауыр тиді. Испания экономикалық және өндірістік дамудан Еуропада артта қалды.

Сілтемелер[өңдеу]

"Қазақ Энциклопедиясы", 9 том