Франтишек Палацкий

Уикипедия — ашық энциклопедиясынан алынған мәлімет
Jump to navigation Jump to search
Франтишек Палацкий
František Palacký
Франтишек Палацкий
Франтишек Палацкий
Қызметі

чех тарихшысы, философ

Ұлты

Чех

Қайтыс болған күні

26 мамыр 1876(1876-05-26)

Қайтыс болған жері

Прага

Жұбайы

Тереза Мехурова

Франтишек Палацкий (чех. František Palacký; 14 маусым 1798, Годславице, Моравия — 26 мамыр 1876, Прага) — 19 ғасырдағы чех тарихшысы, философ, мәдениет және чех ұлттық қозғалысының қайраткері.

Палацкийдің философиялық еңбектері («Эстетиканың обзорлық тарихы», 1823; «Әсемдік туралы ғылым», 1827) ұлттық қайта өркендеу дәуіріндегі тұңғыш филос. шығарма болды. Чехияның орта ғасыр тарихынан, әдебиеті мен чех жылнамасынан аса мол деректемелер жариялады. Палацкий Чехия тарихы жөнінде көптеген зерттеу жұмыстарының авторы. Оның басты еңбегі — «Чехия мен Моравиядағы чех халқының тарихы» (ежелгі заманнан 1526 жылға дейін). Палацкий гусшылдар қозғалысын чех ұлттық тарихының аса маңызды кезеңі деп есептеді. Оның еңбектері чех мәдениеті, ұлт-азаттық қозғалысы дамуында елеулі роль атқарды. 40 жылдары Палацкий чех буржуазиялық ұлттық либералдық қозғалысының басшысы. 1848—1849 жылдардағы революция кезінде австрославизм (Австрия империясын қайта құру) программасын ұсынды. 1848 ж. Прагада славяндар съезін басқарды. 40 жылдардың аяғы мен 60 жылдардың басына дейін (19 ғ.) Австрия рейхсраты мен чех сеймінің депутаты. 60 жылдардан чех І буржуазиясы консерваторлық қанаты идеялық көсемдерінің бірі.[1]

Дереккөздер[өңдеу]

  1. Қазақ Совет Энциклопедиясы,9 том