Фридрих Август Кекуле

Уикипедия — ашық энциклопедиясынан алынған мәлімет
Навигацияға өту Іздеуге өту
Фридрих Август Кекуле

Фридрих Август Кекуле (нем. Friedrich August Kekulé von Stradonitz, 1829 жыл 7 қыркүйек, Дармштадт1896 жыл 13 шілде, Бонн) — неміс химик-органигі.

Өмірбаяны[өңдеу | қайнарын өңдеу]

1856-1858 жылдары Гейдельберг университетінің приват-доценті. 1858 жылдан Гент университетінің (Бельгия), 1865 жылдан Бонн университетінің профессоры. Неміс химия қоғамының президенті (1886). Кекуле 1854 жылы тиосірке қышқылын, 1856 жылы гликоль қышқылын алды. 1872 жылы Нидерланд химигі А.Франшимонмен (1844-1919) бірге үшфенилметан және антрахинон алған. Оның негізгі жұмыстары теориялық химия саласына арналған. 1854 жылы ол алғаш рет күкірт пен оттектің қос валенттілігін (қос негізділігін) болжап айтты. Неміс химигі Г. Кольбемен бір мезгілде көміртектің төрт валентті элемент екенін анықтады. Ол кейінгі жылдары көп атомды радикалдар теориясын толықтырды. А. М. Бутлеровтың химиялық құрылыс теориясын ароматты қосылыстарға қолдануға болатынын дәлелдеді. Бензолдың жай және қос байланыстары алмасатын циклдік формуласын ұсынды (1865)[1].

Дереккөздер[өңдеу | қайнарын өңдеу]

  1. Қазақ Совет Энциклопедиясы, Алматы, 1974 ж., 5 том
Ортаққорда бұған қатысты медиа файлдар бар: Category:Friedrich August Kekulé