1954 жылғы футболдан әлем чемпионатының шешуші матчы. Соғыстан кейін мұндай додаға бірінші рет қатысып отырған ГФР құрамасы алғаш рет әлем чемпионаты атанды.
Бұл екі құрама топтық турнирде де өзара кездесіп, Мажарстан құрамасы 8:3 есебімен жеңіске жеткен болатын. Сол ойында жарақат алған мажарлардың жетекші футболшысы Ференц Пушкаш финалға дейін бір кездесуде де ойнай алмады. Финалда ғана алаңға шыққан ол алтыншы минутта есеп ашып, көзге түсті. Пушкаш екінші таймда да гол соғып еді, төреші оффсайд деп есептемей тастады.
Венгрлер сегізінші минутта-ақ 2:0 есебімен алға шықты. Екінші гол қақпашының қателігінен соғылды: Өзіне ақырын домалап келе жатқан допты ұстай алмады да, сол тұста пайда болған Золтан Цибор бос қақпаны дәл көздеді.
Немістер жылдам есепті теңестірді. 10 минутта Макс Морлок қақпаға жақын жерден құлап жатып теуіп гол соқты. 18 минутта бұрыштан берілген допты Хельмут Ран аяқпен теуіп таразы басын теңестірді. Ран 84 минутта шешуші голды да соғып, чемпионат қаһарманына айналды.
2003 жылы неміс режиссері Зенке Вортманн "Берндегі ғажайып" атты көркем фильм түсірді. Фильмде Хельмут Ран басты кейіпкерлердің бірі ретінде сипатталады. Фильмнің соңғы жағында 1954 жылғы финалдық матч — Мажарстан - ГФР құрамаларының кездесуі жайлы эпизодтар бар.
.jpg)
Уильям Линг
