Футболдан әлем чемпионаты 1970 финалы — 1970 жылғы әлем чемпионатының шешуші матчы. 21 маусымда Мехикодағы "Ацтека" стадионында Бразилия құрамасы Италияны 4:1 есебімен тізе бүктіріп, соңғы 12 жыл ішінде үшінші рет әлем чемпионы атанды.
Матчтан алдын көпшілікті бір ғана нәрсе қызықтырды. Ол: "Қай құрама тарихта бірінші боп үш дүркін әлем чемпионы атанады?" деген сұрақ еді. Ешкім де Бразилияны айқын фаворит санаған жоқ, өйткені, турнирді сылбыр бастаса да, плей-офф кезеңдерінде керемет ойнап, Мексика мен ГФР құрамаларын ұтқан Италиядан ешкім осалдық күтпеді.
19-минутта Пеле баспен соғып есеп ашты. 37-минутта қорғаушылардың қателігінен соң Роберто Бонисенья бос қалған қақпаны дәл көздеді - 1:1. Бірақ бұдан артыққа италиялықтардың шамасы жетпеді. Екінші таймда бразилиялықтар үш доп соқты. 86-минутта Карлос Альберто соққан гол кейін тарихтағы "Ең әдемі командалық гол" атты номинацияны жеңіп алды.
