2010 жылы Оңтүстік Африка Республикасында өткен әлем чемпионатының шешуші матчы. 11 шілдеде Йоханнесбургтегі "Соккер Сити" стадионында өтті. Испания құрамасы 1:0 есебімен Нидерланд құрамасын жеңіп, бірінші рет әлем чемпионы атанды[1]. Тарихта тұңғыш рет еуропалық құрама Еуропадан тыс жерде өткен әлем чемпионатында топ жарды.
Матч өте дөрекі өтті. Төреші 13 ескерту жасады. Нидерланд футболшысы Джон Хейтинга екінші сары қағазды алып, алаңнан қуылды. Бұл ойын тарихтағы ең дөрекі финалдық матч боп жылнамаға тіркелді.
Нидерланд шабуылшысы Арьен Роббен екі рет гол соғатын мүмкіндікті пайдалана алмады. Екеуінде де испандық қақпашы Икер Касильяс шеберлік танытып, қақпаны аман алып қалды.
Жеңіс добын 116 минутта Андрес Иньеста соқты. Қалған уақытта 10 он адам боп қалған Нидерланд футболшылары есепті теңестіре алмады. Испания тұңғыш рет әлем чемпионы атанды.
Нидерланд өз тарихында үшінші рет финалда жеңілді. Бұл жағынан Германия алда, олар финалда төрт рет сүрінген (1966, 1982, 1986, 2002)
Нидерланд
Испания
Ховард Уэбб
116'
