Хайролла Байшағыров

БАЙШАҒЫРОВ Хайролла (1949 ж.т., бұрынғы Көкшетау облысы, Тайынша ст.) — ғалым, проф. (2001), тех. ғыл. докт. (2007). Ш.Уәлиханов атынд. Көкшетау мемл. ун-тінің проф. (2005). Халықар. қауіпсіздік және экология ғылымдары академиясының акад. (2008). әл-Фараби атынд. ҚазҰУ-ды бітірген (1972). Еңбек жолын 1972 ж. Е.Букетов атынд. Қарағанды мемл. ун-тінде стажер-зерттеуші болып бастаған. 2000 жылға дейін осы ун-тте аға оқытушы, доцент, декан болды. 2001 жылдан Ш.Уәлиханов атынд. ҚМУ-да аға ғыл. қызметкер, кафедра меңгерушісі, ғыл.-зерт. лаб-ның меңгерушісі. «Қазақстанда жел қуатын пайдалануды дамыту бағдарламасын» және қазіргі ҚР-ның Заңдарын жасауға қатысқан. 2006 ж. ҚР Ұлттық Инженерлік академиясының акад. Ө.Жолдасбеков атынд. медалімен марапатталған. ҚР Білім және Ғылым мин-нің «Композиттік материалдардан жасалған жел қуатын пайдаланатын қондырғылар» жобасы бойынша берілген (2004) және «Жоғары оқу орындарының үздік оқытушысы» (2007) мемл. гранттарының иегері. 100-ден астам ғыл. еңбектердің авторы.