Хакатон

Уикипедия — ашық энциклопедиясынан алынған мәлімет
Мұнда ауысу: шарлау, іздеу
Yahoo! компаниясы бас офисінде ішкі хакатон шарасы (hack day) (Саннивейл, Калифорния, АҚШ), 6 маусым, 2006 жыл

Хакатон (ағылш. hackathon, hack (хакер дегенді қараңыз) және marathonмарафон сөздерінен құралған) — бағдарламалық қамсыздандыруды жасақтаудың әртүрлі салаларынан (программисттер, дизайнерлер, жоба менеджерлері) жиналған мамандардың қандай да бір мәселені шешу мақсатында бірігіп жұмыс істеу үшін ұйымдастырылатын шара. Бүгінгі таңда, хакатондар тек хакерлікке жатып қоймай, көбінесе программалау марафондарын білдіреді. Әдетте хакатондар бір күннен бір аптаға дейін созылуы мүмкін. [1]

Тарихы[өңдеу]

Термин 1999 жылы пайда болды. Ол өздігінен OpenBSD және Sun Microsystems әзірлеушілерімен қолданыла бастады.

OpenBSD әзірлеушілері терминді алғаш рет Калгари қаласындағы (Канада) криптографияға арналған жиналыста 1999 жылдың 4 маусымында қолданды. Онда бағдарламалар жасау үшін АҚШ-тың криптографиялық бағдарламалық қамтамасыз ету бойынша қатаң экспорттық шектеулеріне ұшырамаған 10 әзірлеуші ​​келді. Sun 15-19 маусым аралығында өткен JavaOne конференциясында «Hackathon» деген атауды қолданды; Джон Гэйдж, басқа Palm пайдаланушыларымен байланысу үшін инфрақызыл порты қолданатын, жаңа Palm V-ге арналған Java бағдарламалау тілінде бағдарламаны жазуды ұсынды.

2000 жылдардың ортасынан бастап, хакатондар кеңінен таралған және жаңа программалык технологияларды немесе компаниялар мен инвесторлар инвестициялық салаларды қарқынды дамып келе жатқан жолдар ретінде қарады. Мысалы, TechCrunch Disrupt 2010 конференцияларын кезінде Hackathons аркылы GroupMe сияқты кейбір танымал компаниялар құрылды; 2011 жылы оны Skype 85 миллион долларға сатып алды.

Кейбір хакатондар білім беру, иә болмаса әлеуметтік мақсаттарға арналғанымен, хакатон мақсаттарының негізгісі толыққанды бағдарлама жасақтамасын құру болып табылады. Әрбір хакатон анықталған бір салаға арналады. Мысалы, белгілі бір бағдарламалау тілі, операциялық жүйе, қолданба, бағдарламалық интерфейс (API) қамтылады.

Дереккөздер[өңдеу]

  1. Hackathon // Ағылшынша Уикипедия (GFDL лицензиясы қайнаркөз өңдемелерінің тарихы). Қазақшаға аударылған күні: 10 тамыз, 2013 жыл