Халықаралық валюта өтімділігі
Халықаралық валюта өтімділігі — жекелеген елдің (елдер тобының) өзінің сыртқы (халықаралық) міндеттемелерін қолайлы төлем қаражатымен уақтылы төлеу қабілеті (мүмкіндігі).
Дүниежүзілік шаруашылық тұрғысынан алғанда Халықаралық валюта өтімділігі — әлемдік төлем айналымын қаржыландыру мен несиелендіру көздерінің жиынтығы және ол әлемдік валюта жүйесінің халықар. сақтық қорларының активтерімен қамтамасыз етілуімен байланысты. Ұлттық экономика тұрғысынан алғанда Халықаралық валюта өтімділігі — елдің несиені өтеуге және төлем төлеуге қабілеттілігінің көрсеткіші. Елдің ресми алтын және валюта сақтық қорларын, СДР мен ЭКЮ (1999 жылдан еуроға ауыстырылды) түріндегі шоттарды, Халықаралық валюта қорындағы сақтық жайғасымын (елдің үлестемесінің 25%-ы шегінде шет ел валютасымен өзінен-өзі сөзсіз несие алу құқығын) қамтиды.[1][2]
Дереккөздер[өңдеу | қайнарын өңдеу]
- ↑ "Қазақ Энциклопедиясы" 9 том
- ↑ Қаржы-экономика сөздігі. — Алматы: ҚР Білім және ғылым министрлігінің Экономика институты, «Зияткер» ЖШС, 2007. ISBN 978-601-215-003-2
 | Бұл мақалада еш сурет жоқ.
Мақаланы жетілдіру үшін қажетті суретті енгізіп көмек беріңіз. Суретті қосқаннан кейін бұл үлгіні мақаладан аластаңыз.
|
|
Бұл — экономика бойынша мақаланың бастамасы. Бұл мақаланы толықтырып, дамыту арқылы, Уикипедияға көмектесе аласыз. |