Халықаралық құшақтасу күні

Уикипедия — ашық энциклопедиясынан алынған мәлімет
Jump to navigation Jump to search

Халықаралық Құшақтасу күні (ағылш. International Hug Day) — мерекенің негізі 1986 жылы 21 қаңтарда Америка Құрама Штаттарында қаланып, кейіннен бүкіл әлемге тарап, барлықәлемдік деңгейде атап өтілетін болды. Ал 4 желтоқсанда осы мереке халықаралық мәртебесіне ие болған.

Тарихы[өңдеу]

Қалыптасқан дәстүр бойынша, сіз бұл күні өзіңіздің достық құшағыңызға таныс емес адамдарды да шақыра аласыз. Атаулы күннің жасы әлі де тым кішкентай болғандығымен, оның авторын табу өте қиын: неге дәл осы күннің таңдалғандығын және мерекенің түп-төркінінде қандай идеяның жатқандығын да ешкім дөп басып айта алмайды. Бір анығы, мереке мұрагерлері де, бастаушылары да - студенттер. Қызықты күнді 27 жыл бойы елеусіз қалдырмай келе жатқан студенттер достық құшақтасу барысында жан жылулығы алмасады деп сенеді екен. Және тек жақсы адамдарды құшақтауға тырысатын көрінеді.

Ғылыми түсініктеме[өңдеу]

Құшақтасудың пайдалы екендігінің "ғылыми" түсініктемесі де бар: жанасу мейірбандықты арттырады, иммунитетті жоғарылатады, орталық жүйке жүйесінің жұмысын арттырады, қандағы гемоглобин деңгейін де көтереді, сондай-ақ басқа да гормондар — окситоцинді, адамдардың бір-біріне игілігі үшін ниетін арттыратын гормоннның қандағы құрамын жақсы көтереді.

Біз үшін құшақтау – бұл жылумен және сүйіспеншілікпен алмасу. Дәрігерлер мен ғалымдардың айтуынша, құшақтасу күні достық үшін ғана өте пайдалы емес, сондай-ақ психологиялық және физикалық денсаулық тұрғысынан көңіл-күй мен жан-күйін жақсартады.

Психологтардың пікірі[өңдеу]

Психолог мамандар жақындарының құшағын қажет ететін адамдар қауіпсіздік, жайлылық және махаббат сезіміне зәру болып келеді. Сондықтан, мерекенің пайдасы көп. Жалпы, құшақтасу кез-келгеннің өмірінің соңына дейін қайталанатын әрекет: достарымызды, құрбы-құрдас, дос-жаран, ата-ана, туған-туыс, бауырларымызды, сүйген адамымызды кездескенде, сағынышымызды басу немесе қуанышымен құттықтау, алғыс айту үшін құшақтап жатамыз. Бір сәт, ойлап көріңізші, қиналғанда құшақтайтын, сізді демейтін адамдарыңыз болмағанда қайтер едіңіз?!

Жоба[өңдеу]

Ол 21 қаңтарда атап өтілетіндігіне қарамастан, Отбасылық Тәрбиелеу Институты бұл мерекені Астана қаласында Республикалық біліктілік арттыру жобасының 3-дүрмек педагог-психологтарын оқыту кезінде қайталауды жөн көрді. Бұл көңілді күнді Институт тыңдаушылары 6 тамызда мерекеледі.

Педагог-психологтардың оқытылу кезінде жобаның барлық тыңдаушы-қатысушылары  таңертеңнен бастап бір-бірімен амандасты, құшақ жая қарсы алды, бір-біріне тамаша күн тіледі, би биледі және көңіл күйлері сондай көтеріңкі болды, бұл арқылы олар бір-біріне 11 сағатқа созылатын оқу күні бойы сергектік сезімін сыйлады. Жоба ұйымдастырушылары жобада білім алуды тыңдаушылар үшін естен кетпестей өткузіге  барын салуда, жаңа күнді қуанышпен бастау «Бақытты отбасы» бағдарламасын жемісті игеруге мүмкіндік беретіндігіне көңіл бөледі.

Сыртқы сілтемелер[өңдеу]

Ортаққорда бұған қатысты медиа санаты бар: Hugging