Хамза Әбілғазин

Хамза Әбілғазин (1919, Павлодар облысы Баянауыл ауылы - 1980, Алматы қаласы) - қоғам қайраткері, Қазақ КСР-інің еңбек сіңірген мәдениет қызметкері, Қаныш Сәтбаевтың туған жерінен түлеген азамат.

Арғын тайпасының Сүйіндік руының Қаржас бөлімінен шыққан.

• 1938 жылы Абай атындағы Қазақ Педагогика институты (қазіргі ҚазҰПУ) жанындағы жұмысшы факультетін бітірген.
• 1939 жылы әскер қатарына шақырылып, кейін 2-дүниежүзілік соғысқа қатысқан, Ленинград қоршауында болған.
• 1946 жылы әскер қатарынан босап, елге қайтады,
• 1946-50 жылы Қазақ КСР Министрлер Кеңесі жанындағы өнер істері басқармасының алқа мүшесі және репертуарларды бақылау бөлімінің бастығы,
• 1950 жылы Қазақстан КП ОК-нің нұсқаушысы,
• 1950-58 жылы Қазақ КСР Министрлер Кеңесі Төрағасының көмекшісі, КСРО Министрлер Кеңесі мәдениет тобының аға кеңесшісі,
• 1958-62 жылы Алматы теледидар студиясының директоры,
• 1962-64 жылы «Қазақфильм» киностудиясы директорының орынбасары,
• 1964-72 жылы Қазақ КСР Министрлер Кеңесінің радиохабарлар және теледидар басқармасының бастығы,
• 1972-80 жылы Қазақ КСР Жоғарғы Кеңесі Төралқасы істер басқармасының бастығы қызметтерін атқарды.

Соғыстағы ерлігі үшін «Александр Невскии» және Еңбек Қызыл Ту орденімен марапатталған.