Ханзада Жумонг (телехикая)
| Ханзада Жумоң кор. 삼한지: 주몽 편 | |
 | |
| Жанры | тарихи әскери романтика |
|---|---|
| Рөлдерде | Сон Иль Гук Хан Хё Джин |
| Композиторы | О Джун Санг |
| Мемлекет |  Корея Республикасы |
| Тілі | корей |
| Сериялар саны | 81 |
| Өндіріс | |
| Режиссёрі | Гын Хон Ким, Чжу Хван Ли |
| Сценарист | Чхве Ван Гю, Хён-су Чжон |
| Серия ұзақтығы | 70 мин. |
| Статус | аяқталған |
| Хабар тарату | |
| Телеарна | MBC |
| Таратылым кезеңі | 15 мамыр 2006 Корея Республикасы |
| Сілтемелер | |
| IMDb | ID 0978061 |
өңдеу  | |
Ханзада Жумоң (кор. 삼한지: 주몽 편) — 2006 жылдан 2007 жылға дейін MBC телеарнасында көрсетілген оңтүстіккореялық тарихи эпикалық телехикая. Бұл жоба арнаның 45 жылдығына арналған арнайы туынды болды. Бастапқыда 60 серияға жоспарланғанымен, жоғары танымалдылығына байланысты MBC оны 81 серияға дейін ұзартты.
Сериал Когурё патшалығының негізін қалаушы — Доңмён патшаның өмірін баяндайды.[1]
Сюжеті
[өңдеу | дереккөзін өңдеу]
Б.з.д. 108 жылы Хань империясының Кочосонды жаулап алуы нәтижесінде Маньчжурия мен Корей түбегінің солтүстігіндегі тірі қалған тайпалар мен қала-мемлекеттер Хан әулеті билігіне бағынышты алым-салық төлеушілерге айналып, Төрт қолбасшылық арқылы темірдей тәртіппен басқарылды деп сипатталады. Жергілікті қарсылық күшінің жетекшісі, Дамуль әскерінің басшысы Хэмосу жасырын түрде Пуё ханзадасы Гымуамен одақтасып, бүкіл аймақ бойынша Кочосон босқындарын қорғап, құтқарумен айналысады. Бір шайқаста жараланған Хэмосуды Хабэк тайпасынан шыққан ханым Юхуа (оған Гымуа да көңіл бөледі) құтқарып алады, сөйтіп екеуінің арасында махаббат пайда болады. Кейін Хэмосу Хан әскерінің тұтқиыл шабуылына түсіп, қолға түседі (жартасқа құлап кеткеннен кейін оны сырт жұрт өлді деп есептейді). Ал Юхуа Пуёға барып паналауға мәжбүр болады. Сол жерде ол Гымуаның тоқалына айналып, Жумонг атты ұл туады. Барлығы Жумоңның әкесі Гымуа деп есептейді, бірақ шын мәнінде оның әкесі — Хэмосу.
Жиырма жыл өткен соң, жас Жумонг әлсіз әрі қорқақ ханзада ретінде өседі. Оны әкесі — Гымуаның тағы үшін таласып жүрген ағалары Тэсо мен Ёнпо менсінбей, көлеңкеде қалдырады. Олар Жумоңды Гымуаның ұлы деп есептегендіктен, оның таққа заңды құқығы бар деп қауіптенеді. Ал олардың анасының Юхуаға деген өшпенділігі бұл «ағайындылар» арасындағы араздықты одан әрі күшейтеді (шын мәнінде олар туыс емес). Ақыры бұл жағдай ағаларының Жумоңға қастандық жасау әрекетіне әкеледі. Осыдан кейін оқиғалар тізбегі Жумоңның сарайдан кетуіне себеп болады. Тағдырдың жазуымен ол өзінің әкесі — қартайып, соқыр болып қалған Хэмосумен кездеседі. Жумоң Хэмосудың жасырын тәлімінің арқасында жауынгерлік өнерді меңгереді, бірақ олардың әке-бала екенін білмейді. Осы уақытта Жумоң Чолбондағы Кёру сауда әулетінің қызы Сосономен жақын қарым-қатынас орнатады. Кейін Тэсо мен Ёнпо Хэмосуды өлтірген соң, Жумоң шындықты біліп, әкесінің кегін алуға және Хан әулеті әскерін елден қуып шығуға ант береді. Ол Гымуаға қайта оралып, Пуё әскерін бастап Имдун қолбасшылығы мен Жинбон қолбасшылығына қарсы жорық жүргізеді. Алайда шайқаста жараланып, із-түссіз жоғалып кеткен соң, оны өлді деп жариялайды. Осыны пайдаланған Тэсо Хёнто қолбасшылығымен ауыз жаласып, Пуёда билікті басып алады және Сосононы өзіне әйел болуға мәжбүрлейді. Үмітін үзген Сосоно Жумоңның тірі екенін білмей, сауда серіктесі Утэге тұрмысқа шығады. Ал Жумоңды Ханбэк тайпасы құтқарып, оны Е Со-я емдеп жазады. Кейін Жумоң оған үйленеді. Олар Пуёға қайта оралады, ал Жумоң өзін Тэсоның адал қызметшісі ретінде көрсетіп, оның сеніміне кіреді. Тэсоның қырағылығы босаңсыған сәтте, Жумоң мен оның серіктері Кочосон босқындарының үлкен тобын құтқарып, оларды Бонгие тауының иен даласына алып кетеді. Сол жерде олар бекініс тұрғызып, Дамуль әскерін қайта құрады. Бұл әрекет Тэсоның ашуын туғызады, ол сарайда Юхуа мен жүкті Е Со-яны кепілде ұстап отырған еді. Күн тұтылуынан кейін Гымуа бас уәзірдің көмегімен билікті қайта қолға алады. Ол Жумоңды сарайға қайтып келуге және Дамуль әскерін таратуға көндіруге тырысады (бұл — бас уәзірдің оны қайта таққа отырғызу шарты еді). Бірақ Жумоң бұл ұсыныстан бас тартады, содан кейін бас уәзір оны және оның адамдарын жоюға әрекет етеді.
Келесі үш жыл ішінде Дамуль әскері күшейіп, түрлі жергілікті тайпаларды біріктіре бастайды. Бұл жағдай Пуё мен Хан әулеті үшін үлкен қауіп тудырады. Шайқаста Утэ қаза тапқаннан кейін, Жумоң мен Сосоно одақ құрып, Чолбонның бес тайпасын және Дамуль әскерін бір қуатты күшке біріктіреді. Осы біріккен күш Хёнто қолбасшылығын жаулап алып, Когурё патшалығын құрады. Ал Пуёда Ие Со-я мен оның ұлы Юри жоғалып кетті (өлді деп есептеледі) деген хабар жеткен соң, қайғыға батқан Жумоң Сосоноға үйленеді. Екеуі жаңа мемлекеттің патшасы мен патшайымы атанады.
Жумоң Когурёны он бес жыл билегеннен кейін, Пуё сарайынан қашып шығып, қуғында өмір сүріп келген Е Со-ямен, ұлы Юримен қайта қауышады. Гымуа Хан жалдамалы әскерлерінің қолынан қаза тапқан соң, жаңа таққа отырған Тэсо Жумоң одақ құрады. Когурё мен Пуёның біріккен әскері Ляодун қолбасшылығын жаулап алып, Манчжуриядағы Хан әулеті әскерін толықтай жояды. Юридің оралуына байланысты ішкі қақтығыстардың алдын алу үшін, Сосоно Когурёдан кетеді. Ол Чолбонды қолдайтын топпен бірге оңтүстікке көшіп, ұлдары Пирю мен Онджоны ертіп барады. Кейін Онджо Корея түбегінде Пэкче мемлекетінің негізін қалайды. Тэсо Жумоңның немересі Мухюльдің қолынан шайқаста қаза тапқаннан кейін Пуё мемлекеті құлайды. Жумоң өз билігін нығайту үшін Хан әулетімен соғысын жалғастыра береді. Ақырында 40 жасында қайтыс болып, Когурё тағын Юри иемденеді.
Басты рөлдерде
[өңдеу | дереккөзін өңдеу]- Сон Иль Гук - Жумоң
- Хан Хё Джин - Сосоно
- Чон Куаң Рёл - Гымуа
- Хо Джун Хо - Хемосу
- Ким Сон Су - Тесо ханзада
- О Ён Су - Юхуа ханым
- Куон Ми Ри - Уонху патшайым
- Сон Жи Хё - Йе Соя ханым
- Пак Там Хи - Ян Соран
- Ан Ён Жу - Юри
- Жуң Юң Сук - бала Юри
- Ким Ёң Ки - Ён Табаль
- Жин Хи Куоң - Ё Миыль
- Ли Жа Ёң - Бу Дыкпуль
- Уон Ки Жун - Енпо ханзада
- Пе Су Бин - Саён
- Им Со - Пуён
- Юн Доң- Яң Жоң
- О Ук- Барон Хуаң
- Ие Хо- қолбасшы Ои
- Ан Жеоң- қолбасшы Мари
- Им Дае - қолбасшы Хеп По
- Пак Куеоң- Бу Бунно
- Жоң Хо- У Те
Түсірілім
[өңдеу | дереккөзін өңдеу]
Ханзада Жумонг телехикаясы Yongin Daejanggeum Park киностудиясында түсірілген. Бұл орын Йонгин қаласының Чхоин ауданында, Кёнгидо аймағында орналасқан.
Аталған түсірілім алаңында басқа да тарихи драмалар, соның ішінде Дон И, Айды құшқан Күн және Ұлы ханша Сондок сериалдары да түсірілген.[2]
Сериялар рейтингі
[өңдеу | дереккөзін өңдеу]Ханзада Жумонг 2006 жылы шыққан корей дорамаларының ішінде ең жақсы рейтингтерге ие болды.[3]
| Мерзім | Серия | Бүкіл елде | Сеулда |
|---|---|---|---|
| 2006-05-15 | 1 | 16.3% (3ші) | 17.5% (3ші) |
| 2006-05-16 | 2 | 18.4% (3ші) | 19.2% (3ші) |
| 2006-05-22 | 3 | 21.8% (1ші) | 23.6% (1ші) |
| 2006-05-23 | 4 | 25.3% (2ші) | 26.6% (2ші) |
| 2006-05-29 | 5 | 28.0% (1ші) | 29.9% (1ші) |
| 2006-05-30 | 6 | 28.7% (1ші) | 29.6% (1ші) |
| 2006-06-05 | 7 | 27.9% (1ші) | 29.2% (1ші) |
| 2006-06-06 | 8 | 32.3% (1ші) | 33.7% (1ші) |
| 2006-06-20 | 9 | 29.4% (1ші) | 30.7% (1ші) |
| 2006-06-26 | 10 | 33.2% (1ші) | 35.3% (1ші) |
| 2006-06-27 | 11 | 32.9% (1ші) | 34.8% (1ші) |
| 2006-07-03 | 12 | 36.4% (1ші) | 38.1% (1ші) |
| 2006-07-04 | 13 | 37.6% (1ші) | 38.8% (1ші) |
| 2006-07-10 | 14 | 35.8% (1ші) | 37.5% (1ші) |
| 2006-07-11 | 15 | 37.2% (1ші) | 38.8% (1ші) |
| 2006-07-17 | 16 | 40.1% (1ші) | 42.8% (1ші) |
| 2006-07-18 | 17 | 38.7% (1ші) | 39.9% (1ші) |
| 2006-07-24 | 18 | 39.6% (1ші) | 41.1% (1ші) |
| 2006-07-25 | 19 | 39.9% (1ші) | 40.5% (1ші) |
| 2006-07-31 | 20 | 35.1% (1ші) | 36.1% (1ші) |
| 2006-08-01 | 21 | 36.8% (1ші) | 38.2% (1ші) |
| 2006-08-07 | 22 | 37.3% (1ші) | 37.9% (1ші) |
| 2006-08-08 | 23 | 37.4% (1ші) | 38.9% (1ші) |
| 2006-08-14 | 24 | 35.5% (1ші) | 35.8% (1ші) |
| 2006-08-15 | 25 | 39.3% (1ші) | 40.7% (1ші) |
| 2006-08-21 | 26 | 38.1% (1ші) | 39.6% (1ші) |
| 2006-08-22 | 27 | 39.5% (1ші) | 40.0% (1ші) |
| 2006-08-28 | 28 | 40.3% (1ші) | 41.7% (1ші) |
| 2006-08-29 | 29 | 40.3% (1ші) | 40.9% (1ші) |
| 2006-09-04 | 30 | 39.7% (1ші) | 40.6% (1ші) |
| 2006-09-05 | 31 | 40.3% (1ші) | 41.4% (1ші) |
| 2006-09-11 | 32 | 39.3% (1ші) | 40.6% (1ші) |
| 2006-09-12 | 33 | 38.5% (1ші) | 39.2% (1ші) |
| 2006-09-18 | 34 | 39.5% (1ші) | 40.3% (1ші) |
| 2006-09-19 | 35 | 43.0% (1ші) | 43.9% (1ші) |
| 2006-09-25 | 36 | 42.8% (1ші) | 43.9% (1ші) |
| 2006-09-26 | 37 | 43.6% (1ші) | 44.4% (1ші) |
| 2006-10-02 | 38 | 42.6% (1ші) | 43.2% (1ші) |
| 2006-10-03 | 39 | 44.9% (1ші) | 44.8% (1ші) |
| 2006-10-09 | 40 | 44.2% (1ші) | 45.0% (1ші) |
| 2006-10-10 | 41 | 43.6% (1ші) | 43.8% (1ші) |
| 2006-10-16 | 42 | 43.1% (1шң) | 43.6% (1ші) |
| 2006-10-17 | 43 | 42.4% (1ші) | 42.2% (1ші) |
| 2006-10-23 | 44 | 44.5% (1ші) | 45.4% (1ші) |
| 2006-10-24 | 45 | 45.0% (1ші) | 45.2% (1ші) |
| 2006-10-30 | 46 | 44.6% (1ші) | 45.1% (1ші) |
| 2006-10-31 | 47 | 43.8% (1ші) | 43.7% (1ші) |
| 2006-11-06 | 48 | 46.6% (1ші) | 47.9% (1ші) |
| 2006-11-07 | 49 | 47.2% (1ші) | 48.3% (1ші) |
| 2006-11-13 | 50 | 43.6% (1ші) | 43.5% (1ші) |
| 2006-11-14 | 51 | 48.1% (1ші) | 49.2% (1ші) |
| 2006-11-20 | 52 | 44.8% (1ші) | 45.4% (1ші) |
| 2006-11-21 | 53 | 44.0% (1ші) | 44.5% (1ші) |
| 2006-11-27 | 54 | 45.1% (1ші) | 45.2% (1ші) |
| 2006-11-28 | 55 | 44.4% (1ші) | 44.9% (1ші) |
| 2006-12-04 | 56 | 44.0% (1ші) | 44.4% (1ші) |
| 2006-12-05 | 57 | 42.9% (1ші) | 43.2% (1ші) |
| 2006-12-11 | 58 | 46.4% (1ші) | 46.1% (1ші) |
| 2006-12-12 | 59 | 41.5% (1ші) | 42.6% (1ші) |
| 2006-12-18 | 60 | 44.4% (1ші) | 45.3% (1ші) |
| 2006-12-19 | 61 | 46.6% (1ші) | 47.1% (1ші) |
| 2007-01-01 | 62 | 44.8% (1ші) | 45.8% (1ші) |
| 2007-01-02 | 63 | 45.2% (1ші) | 45.3% (1ші) |
| 2007-01-08 | 64 | 45.5% (1ші) | 45.4% (1ші) |
| 2007-01-09 | 65 | 46.8% (1ші) | 47.1% (1ші) |
| 2007-01-15 | 66 | 46.8% (1ші) | 47.5% (1ші) |
| 2007-01-16 | 67 | 47.1% (1ші) | 47.9% (1ші) |
| 2007-01-22 | 68 | 49.8% (1ші) | 50.5% (1ші) |
| 2007-01-23 | 69 | 42.0% (1ші) | 43.6% (1ші) |
| 2007-01-29 | 70 | 47.9% (1ші) | 48.3% (1ші) |
| 2007-01-30 | 71 | 50.3% (1ші) | 51.0% (1ші) |
| 2007-02-05 | 72 | 47.1% (1ші) | 48.5% (1ші) |
| 2007-02-06 | 73 | 46.0% (1ші) | 47.2% (1ші) |
| 2007-02-12 | 74 | 47.6% (1ші) | 48.1% (1ші) |
| 2007-02-13 | 75 | 47.1% (1ші) | 47.8% (1ші) |
| 2007-02-19 | 76 | 41.9% (1ші) | 42.1% (1ші) |
| 2007-02-20 | 77 | 49.7% (1ші) | 49.9% (1ші) |
| 2007-02-26 | 78 | 47.2% (1ші) | 47.1% (1ші) |
| 2007-02-27 | 79 | 50.6% (1ші) | 50.9% (1ші) |
| 2007-03-05 | 80 | 49.8% (1ші) | 50.0% (1ші) |
| 2007-03-06 | 81 | 51.9% (1ші) | 52.7% (1ші) |
| Орта есеппен | 40.98% | 41.83% | |
Халықаралық көрсетілім
[өңдеу | дереккөзін өңдеу]Ханзада Жумонг телехикаясының көрсетілім құқықтары Иранға (Channel 3), Түркияға, Молдоваға (TV8), Румынияға (TVR1), Қазақстанға, Грузияға (Imedi TV), Арменияға, Жапонияға (Fuji TV), Моңғолияға, Тайваньға, Гонконгқа, Вьетнамға (VTV1), Сингапурға (Mediacorp Channel U), Индонезияға, Тайландқа (Channel 3), Малайзияға, Брунейге, Филиппинге (GMA Network, Q, GTV, Heart of Asia), Фиджиге (Fiji One), Ирак Күрдістанына, Ауғанстанға, Өзбекстанға, Тәжікстанға (TV SMT), Камбоджаға (Cambodian Television Network), АҚШ-қа (AZN Television), Мьянмаға (Myawaddy TV & MRTV-4) және Шри-Ланкаға (Sri Lanka Rupavahini Corporation) сатылды.[4][5][6][7]
Reuters агенттігінің мәліметінше, Ирандағы «Jumong» сериалының ең танымал эпизодтары 90%-дан астам көрілім рейтингін жинаған (Оңтүстік Кореядағы 40%-бен салыстырғанда). Бұл сериалдың басты актері Song Il-gook-ты Иранда нағыз супер жұлдыз деңгейіне көтерді.[8]
Гонконгтағы көрсетілімге байланысты дау
[өңдеу | дереккөзін өңдеу]Asia Television (ATV) Гонконгтағы көрсетілім құқықтарын сатып алғанымен, аудармаға қатысты дау арнаның жаңалықтар мен драмалардағы редакциялық тәуелсіздігі туралы үлкен пікірталас туғызды. Даудың негізгі себептері: кейбір көріністердің алынып тасталуы; жер атауларының балама түрде аударылуы; кейіпкердің мамандығын өзгертіп аудару. Ең үлкен дау «Когурёға» қатысты «мемлекет» (nation) сөзінің «тайпа» (tribe) деп өзгертілуі және Хан империясы атауының «аспан әулеті» деп аударылуы болды. Бұл өзгерістер арнаның редакциялық саясатына күмән тудырды. Аудармаға байланысты бұл дау Goguryeo controversies деп аталатын тарихи пікірталастармен байланысты деп есептеледі. Бұл даулар Когурё тарихын Қытай мен Корея (Солтүстік және Оңтүстік) елдерінің әртүрлі түсіндіруінен туындайды.
Дереккөздер
[өңдеу | дереккөзін өңдеу]- ↑ Song, Sang-ho Korea's mark on an expectation-defying Iran. The Korea Herald. (10 August 2011). Басты дереккөзінен мұрағатталған 11 қараша 2012. Тексерілді, 17 ақпан 2013.
- ↑ Lee, Cin Woo Beyond Seoul: 19 reasons to explore Korea. CNN Go. (16 March 2012). Басты дереккөзінен мұрағатталған 21 сәуір 2012. Тексерілді, 6 мамыр 2012.
- ↑ TNS Media Korea. Басты дереккөзінен мұрағатталған 28 желтоқсан 2014. Тексерілді, 30 мамыр 2010.
- ↑ Popular historical TV drama has raked in $50 million. The Hankyoreh. (3 March 2007). Басты дереккөзінен мұрағатталған 10 қаңтар 2015. Тексерілді, 5 қаңтар 2015.
- ↑ Jumong to Air in Japan. KBS Global. (21 March 2007). Басты дереккөзінен мұрағатталған 10 қаңтар 2015. Тексерілді, 5 қаңтар 2015.
- ↑ Special Meeting At Japanese Fuji TV About Drama Jumong, Broasia via Hancinema (25 April 2007).
- ↑ Reyna, Trixie JUMONG: Korea's No. 1 series For 2006 now on GMA-7. The Philippine Star. (6 January 2007). Басты дереккөзінен мұрағатталған 10 қаңтар 2015. Тексерілді, 5 қаңтар 2015.
- ↑ Song Il Gook is a superstar in Iran because of Jumong. Allkpop. Басты дереккөзінен мұрағатталған 1 сәуір 2010. Тексерілді, 21 сәуір 2013.
Сыртқы сілтемелер
[өңдеу | дереккөзін өңдеу]- hani.co.kr
- kbs.co.kr Мұрағатталған 5 наурыздың 2016 жылы.