Ханикей Әліпова
| Ханикей Әліпова | |||
| Қаникей Әліпова | |||
| Туған күні | |||
|---|---|---|---|
| Туған жері |
Қанбақты құмы, Индер ауданы Гурьев облысы | ||
| Қайтыс болған күні |
белгісіз | ||
| Әкесі |
Әлмұханбет Маманұлы | ||
| Анасы |
Қамила Дәулетқызы | ||
| Жұбайы |
Сейіт Әліпов | ||
| Марапаттары мен сыйлықтары |
| ||
Ханикей Әліпова (1899, Қанбақты құмы, Индер ауданы, Гурьев облысы) — кеңестік малшы, Гурьев облысы Испуль ауданындағы Жамбыл атындағы колхоздың аға шопаны, Қазақ КСР. Социалистік Еңбек Ері (1948).
Ханикей (Қаникей) Әліпова 1899 жылы Гурьев облысында, Индер ауданына қарасты Зеленый ауылдық кеңесінің Қанбақты құмында кедей шаруаның отбасында дүниеге келген. Руы Беріш, бөлімі Құлкеш, Кіші жүз.
1917 жылы Алипов Сейітке тұрмысқа шықты. Сейіт Ұлы Отан соғысына қатысқан, денсаулығына байланысты соғыстың соңында елге оралып, Жамбыл атындағы колхозда аға шопан болып еңбек етті. Ол 1945 жылы 46 жасында қайтыс болды.
Қаникей Әліпова еңбек жолын 1936 жылы Қанбақты құмында құрылған Жамбыл атындағы колхозға мүше болудан бастады. Алғашында аға шопанның көмекшісі, кейін күйеуі қайтыс болған соң 1945 жылдан бастап Жамбыл атындағы колхозда аға шопан қызметін атқарды. 1947 жылы ол 400 бас еділбай қойынан 534 қозы алып, әр қозының салмағын 40 килограммға жеткізгені үшін КСРО Жоғарғы Кеңесі Президиумының 1948 жылғы 23 шілдедегі Жарлығы бойынша Социалистік Еңбек Ері атағы берілді. Сонымен бірге Ленин ордені және «Алтын Жұлдыз» медалімен марапатталды.
Бірнеше мәрте депутат болып сайланды.
1954 жылы қыркүйекте зейнетке шықты.
Марапаттары мен атақтары
[өңдеу | қайнарын өңдеу]КСРО Жоғарғы Кеңесі Президиумының 1948 жылғы 23 шілдедегі Жарлығымен Ұлы Отан соғысы жылдарындағы және мал шаруашылығын дамытудағы ерен еңбегі үшін Социалистік еңбек ері атағына ие болып, Ленин орденімен және "Орақ пен Балға" алтын медалімен марапатталды.
7 баланы тәрбиелеп өсіргені үшін 1945 жылы 7 тамызда Қазақ КСР Жоғарғы Кеңесі Президиумының Жарлығымен «Ана даңқы» орденінің үшінші дәрежесімен марапатталған.
Отбасы
[өңдеу | қайнарын өңдеу]Әкесі — Маманұлы Әлмұханбет жалдамалы жұмыс істеп күнін көрген, шешесі — Дәулетқызы Қамила бай есігінде жүрген кедейдің қызы болған.
Балалары әр салада еңбек еткен:
Сейтова Күлйма — Гурьев қаласында дүкен қызметкері.
Сейтов Қабдіжан — Целиноград облысы, Атбасар ауданында автобазада диспетчер.
Сейтов Нудия — Индер ауданы, Кулагино селосында шофер.
Сейтов Қабдығали — аудандық тұтынушылар қоғамында шофер.
Сейтова Әсия — мұғалім.
Сейтов Муса — Орал қаласында ауыл шаруашылығы институтында оқыған.
Сейтов Нәсіпқали — Қазақ политехникалық институтында білім алған.
Әдебиет
[өңдеу | қайнарын өңдеу]- Казахстанцы - герои труда: краткий биографический справочник (1937-2016гг.), стр.178 – Алматы: Қазақ университеті, 2020. ISBN 978-601-04-4471-3