Хауас

Хауас (өзб. Xovos) — қала типтес елді мекен, 2004 жылдан Өзбекстанның Сырдария облысы Хауас ауданының әкімшілік орталығы.

Әділет үйі

Хауас шағын қалашығы — Тәжікстанмен шекаралас жерде, шөл даланың оңтүстік-шығысында орналасқан. Ол республиканың маңызды тораптарының бірі болғандықтан, елдің көлік жүйесінде басты рөл атқарады. Мұнда екі ірі магистраль қиылысады: Ферғана аңғары-Орталық Өзбекстан тас жолы және Ташкент-Душанбе тас жолы. Хауас сонымен қатар Сырдариядан, Жызақтан және Қоқаннан келетін үш темір жол желісінің түйісу нүктесі ретінде қызмет етеді.

Хауасттың орналасуы кездейсоқ емес. Ол 1899 жылы Урсатьевская стансасы ретінде темір жол құрылысы кезінде құрылған. Ежелгі заманның өзінде бұл аймақ арқылы Орталық Азияны Ауғанстан, Үндістанмен байланыстыратын сауда керуен жолы өткен. Оның бойымен Александр Македонский мен Марко Полоның әскерлері жүрді. Кейіннен ол Үлкен өзбек тас жолы (қазіргі Хауас арқылы өтетін М34 тас жолының атауы) деп аталды. Темір жол қала өмірінде орталық орын алады, Хауаста сондай-ақ дамыған өнеркәсіп саласы бар: құрылыс материалдарын өндіру және ауыл шаруашылығы шикізатын өңдеу.