Хафиз Ибраһим

Мұхаммед Хафиз бин Ибраһим Фахми
Туған күні	1871 (1871)
Туған жері	Дайрут
Қайтыс болған күні	21 шілде 1932 (1932-07-21)
Қайтыс болған жері	Каир
Азаматтығы	Египет

Хафиз Ибраһим - Египет жазушысы және журналисі. Механик отбасында туған.

Қызмет жолы

1891 ж. Каирдегі әскери училищені бітіріді. Ағылшын әскери экспедиция құрамында Суданда болды. Офицерлер бүлігіне қатысқаны үшін 1900 ж. әскерден босаған соң, журналистикамен айналысты. 1911-1932 ж. "Әлкутуб тартуы" ұлттық кітапханасында қызмет істеді. Хафиздің әлеуметтік саяси көзқарасының қалыптасуына Мұхаммед Абдо ілімі ықпал етті. Оның 1901 ж. классикалық үлгіде жазылған тұңғыш өлеңдер жинағы жарияланды. 1906-1922 ж. жазған лирикаларында ағылшын отаршылдарына қарсы көңіл күйі бейнеленген. "Сатих түндері" повесінде ағылшындардың отарлау саясатын сынады.