Уикипедия — ашық энциклопедиясынан алынған мәлімет
Әйел сүт безі қатерлі ісігіне байланысты доцетакселмен химиотерапиядан өтуде. Тырнақтардың теріс әсерін азайту үшін қолдар мен аяқтар салқындатылады.
Химиотерапия (химия және терапия) — дәрілік заттар көмегімен жұқпалы, паразитті аурулардың қоздырғыштарын жою және ісік жасушаларын емдеу. XX ғасырдың басында неміс ғалымы П. Эрлих (1854—1915) күшәланың бірқатар қосылыстарын синтездеп, Химиотерапияның негізін салды. 1909 жылы сальварсан препаратын алып, онымен мерез ауруын емдеген бірінші дәрігер болды. Бұдан кейін Химиотерапияның дамуына сульфаниламидті препараттар (сульфанил қышқылынан алынған микробқа қарсы қолданылатын дәрілік заттар) мен антибиотиктердің ашылуы үлкен септігін тигізді. Қазіргі кездегі Химиотерапияның алдына қойған мақсаты — микробқа және ісікке қарсы жаңа дәрілік препараттарды тауып, олардың әсер ету механизмін зерттеу.
