Хисба

Уикипедия — ашық энциклопедиясынан алынған мәлімет
Jump to navigation Jump to search

Хисба(араб.: حسبة‎) - ар алдында немесе қызмет талабымен шариғат жолының орындалуын қадағалау; оны орындаушы мұхтасиб деп аталады. Оның алғашқы белгілері халифа Әли заманына саяды, ол заманда Хисба терминінің орнына осы ұғымды білдіру үшін амр би-л-маруф ва нахй ан әл-мункар термині қолданылды. Хисба мұсылман этикасының бір тарауы ретінде яки жалпы этика-құқықтық шығармалар, яки негізгі назар қолөнеркәсібі мен саудайы қадағалауға аударылатын мұхтасибтердің нақты талап-тілектері құрамында қаралады. Бұрынғы рим-византия аймағынан шыққан Хисба жөніндегі трактаттар да басқаларына қарағанда тәжірибелік нұсқау беру сипаты басым және экономика тарихы жөнінен мағлұмат мол берілген; Орта Азия мен Иранда бұл тектес шығарма жоқ.[1]

Дереккөздер[өңдеу | қайнарын өңдеу]

  1. Ислам. Энциклопедиялық анықтамалық. Алматы: “Аруна Ltd.” ЖШС, 2010 ISBN 9965-26-322-1