Хисемидолла Исхақұлы Үкібаев

Үкібав Хисемидолла Исхақұлы (10.11.1937 жылы туған, Ресей, Астрахань облысы Байбек с.) — ғалым-селекционер, ауыл шаруашылығының ғылыми докторы (1990), проффессор (1992), Қазақстан Ұлттық ғылым академиясының академигі (2003).

1964	Саратов малдәрігерлік институтын бітірген
1964 — 1968	Қалмақ АКСР-інің қаракөл өсіру кеңшарларында бухгалтердің көмекшісі, зоотехник, аға зоотехник қызметтерін атқарған
1968 — 1971	Бүкілодақтық мал шарушылығының ғылыми-зерттеу институтының аспиранты
1971 — 1973	Қалмақ етті мал өсіру ғылыми-зерттеу институтының қаракөл өсіру лабораторяның меңгерушісі
1973 — 1979	Қазақ қаракөл өсіру ғылыми-зерттеу институтының Батыс бөлімінің меңгерушісі
1979 — 1994	“Қаракөл” ғылыми өндірістік бірлестігінің директоры
1994 — 1997	Оңтүстік Қазақстан облысы әкімдігіндегі ғылыми-техника орталықтың төрағасы
1997 жылдан	Батыс Қазақстан селекция-генетикалық тіректі бекетінің меңгерушісі

Үкібаевтың ғылыми еңбектері қаракөл қойлары терілерінің әр түрлі түстерін (янтарь, платина, бронза, т.б.) жасауға және құйрықты қойлардың етті-майлы тұқымдарының тез жетілу жолдарын зерттеуге арналған. Ол 115-тен аса ғылыми еңбектің авторы, оның ішінде 20 авторлық куәлігі бар. КСРО Мемлекеттік сыйлығын (1992), Қазақстан Республикасы Мемлекеттік сыйлығын (2005) алған. “Халықтар достығы” ордені және медальдармен марапатталған.

Сілтемелер

«Қазақстан»: Ұлттық энцклопедия / Бас редактор Ә. Нысанбаев – Алматы «Қазақ энциклопедиясы» Бас редакциясы, 1998 жыл. ISBN 5-89800-123-9, IX том
"Оңтүстік Қазақстан облысының энциклопедиясы"