Холангит

Уикипедия — ашық энциклопедиясынан алынған мәлімет
Jump to navigation Jump to search

Холангит (cholangіtіs грек. chole — өт, angeіon — тамыр және іtіs — қабыну), ангиохолит — өт жолының қабынуы. Холангиттің негізгі себебі — өтте тас байлану. Көпшілік жағдайда Холангит өт жолына бактериялардың түсуінен дамиды. Аурудың қоздырғыштары: ішек таяқшасы, энтерококк, протей, стафилококк, т.б. Холангиттің жедел, созылмалы және септиктік түрлері бар. Холангиттің жедел түрі асқынғанда, созылмалы Холангитке айналады. Организмге инфекция энтрогенді және гематогенді жолмен өтеді. Холангиттің созылмалы түрі орта жастағы адамдарда жиі кездеседі. Мұның катаралды түрі ішек-қарын инфекциясының өт жолына өтуінен, яғни іш сүзегі, сальмонеллез, дизентерия аурулары, ал іріңді Холангит іріңді холецистит сияқты өтте тас байлану салдарынан пайда болады. Созылмалы Холангит кезінде өт жолы склерозға шалдығады да, бірте-бірте бауыр беріштенеді. Холангит кейде ұйқы безін зақымдайды. Холангит кезінде науқас адамның ас ішуге тәбеті болмай, жүрегі айнып, оң жақ қабырға асты ауырады. Дене қызуы көтеріледі, кейде құсады, денесі қалтырайды, эритроциттердің тұнбаға түсуі жылдамдайды, т.б. патологиялық жағдайлар байқалады; қара Холецистит. Емі: әр түрлі антибиотиктер беру, ауру асқынғанда хирургиялық операция жасайды.

[1]

Дереккөздер[өңдеу]

  1. «Қазақстан»: Ұлттық энцклопедия / Бас редактор Ә. Нысанбаев – Алматы «Қазақ энциклопедиясы» Бас редакциясы, 1998 жыл, ISBN 5-89800-123-9, II том