Хонор Фрост

Хонор Фрост
Honor Frost
Туған күні	28 қазан 1917 (1917-10-28)
Туған жері	Никосия, Кипр
Қайтыс болған күні	12 қыркүйек 2010 (2010-09-12) (92 жас)
Қайтыс болған жері	Лондон, Ұлыбритания
Азаматтығы	Ұлыбритания
Ғылыми аясы	су асты археология
Жұмыс орны	Лондон университет колледжінің археология иституты
Несімен белгілі	су асты археология саласының пионері, археологиялық иллюстрацияның көрнекті маманы
Марапаттары	«Халықаралық сүңгуірлік ынтымақтастықты дамытқаны үшін» Британдық су асты клубының сыйлығы

Хонор Фрост (ағылш. Honor Frost; 1917, Никосия — 2010, Лондон) — британдық сүңгуір, су астындағы археологиясының негізін қалаушылардың бірі.

Өмірбаяны

Хонор Фрост 1917 жылы 28 қазанда Никозияда (Кипр) дүниеге келді. Ерте жетім қалып, оны ағылшын мүсіншісі Вильфред Эвиллдің өз қамқорлығына алды. Ол Лондондағы Орталық сурет және дизайн мектебінде, одан кейін Оксфордтағы Раскин кескіндеме және бейнелеу өнері мектебінде білім алды. Кейіннен ол «Рамбер» би компаниясында дизайнер және Тейт Британия музейінде басылымдардың директоры болып жұмыс атқарды.

Жак-Ив Кустоның акваторлық құралынын ойлап тапқаны, Хонор Фросттың сүңгуірлікке қызығушылығын туғызды. Ол тіпті 1950 жылдың басында Франция мен Италияда сүңгуір және суретші болып жұмыс істеді. Ол су астындағы археологиялық қазбалардың алғашқы тәжірибесінде француз акваторы Фредерик Дюмамен бірге болды. 1950 жылдардың соңында Лондондағы Археология университеттік колледжінің институтына оқуға түсті, ал 1959 жылы ол өзінің шотландтық әріптесі Джоан дю Платт Тейлормен кездесті. Фростпен бірге Дюма және американдық сүңгуір Питер Трокморт ұзақ жылдар бойы бір командада жұмыс істеді.

Фрост Жерорта теңізінің түбін, әсіресе Ливанның жағалау суларын зерттеді, сонымен бірге Гелидония мүйісі жағалауынан тапқан бірнеше маңызды олжалармен танылған: мысалы, ол біздің дәуірімізге дейінгі 12 ғасырдан бастап батып кеткен кеменің қалдықтарын тапты - бұл сол кездегі әлемдегі ең көне кеме болды.

1968 жылы Фрост ЮНЕСКО-ның қамқорлығымен Александрия шамшырағының қираған жерлерін зерттеді. Кейінірек, 1997 жылы осы экспедициясы үшін Франция үкіметінен «Египеттегі су асты археологиясы үшін» медалін алды.

1969 жылы Лондон антиквариат қоғамының мүшесі болды. 1971 жылы ол сол кездері Сицилия Марсала жағалауынан табылған «Марсала» кемесін зерттеуге белсенді қатысты. “Марсала” осы күнге дейін ең көне әскери кеме болып қала береді.

2005 жылы Фрост Британдық су асты клубының Халықаралық сүңгуірлік ынтымақтастықты дамытқаны үшін Колин Маклеод сыйлығын алды.

Хонор Фрост 2010 жылы 12 қыркүйекте қайтыс болды. Өмірінің соңғы күндеріне дейін ол өте белсенді болып қала берді. Тіпті қайтыс болардан біраз бұрын, 92 жастағы зерттеуші әлемдегі ең үлкен тас зәкірін қарау үшін Үндістанға сапар шегуді жоспарлады. Форесттің суреттері мен жазбалары Мальтадағы Валлеттадағы Ұлттық археология музейінде сақталған.

Танымал жұмыстары

• Under the Mediterranean; marine antiquities (Жерорта теңізі астында; теңіз ежелгі заттары) — 1963, 1969 жылдары
• From Rope to Chain: On the Development of the Anchor in the Mediterranean — 1963 жылы
• Diggings In The Deep (Терең қазбалары) — қараша-желтоқсан, 1964 жылы
• Ancient harbours and anchorages in the eastern Mediterranean (Шығыс Жерорта теңізіндегі ежелгі айлақтар мен зәкірлер) — 1972 жылы
• The Punic wreck in Sicily 1. Second season of excavation (Сицилиядағы Пуник апаты. Екінші қазба маусымы) — наурыз, 1974 жылы
• When is a wreck not a wreck — 1976 жылы
• The Marsala Punic Warship (Марсала Пуник әскери кемесі) — 1978 жылдан кейін
• Pyramidal Stone Anchors: An Enquiry — 1985 жылы
• How Carthage Lost the Sea: Off the Coast of Sicily, an Punic Warship Gives up its Secret (Карфаген теңізді қалай жоғалтты: Сицилия жағалауында Пуни әскери кемесі өзінің құпиясын ашады) — 1987 жылы
• Old Saws (Ескі аралар) — 1991 жылы