Хромакей

Уикипедия — ашық энциклопедиясынан алынған мәлімет
Навигацияға өту Іздеуге өту

Хромакей (ағылшын тілінен - chroma key, тура мағынасында «түстердің кілті» деген мағына береді) — екі немесе одан көп кескіндерді немесе кадрларды бір композицияға қиыстыру технологиясы.

Хромакей – бір композицияда, яғни бір кескінде екі және одан көп сурет немесе кадрларды арнайы түстер арқылы ажырату технологиясын білдіреді. Бұл технология кино түсіруде және теледидарда терең қолданылады. Бейнені түсіру кезінде объект (адам немесе кез келген зат) бір түстік фонға орнатылады, түсіріп болған соң бейнені монтаждау кезінде объект артындағы біртүстік фонды алып тастап, яғни өшіріп оның орнына кез келген бейнені орналастыруға болады. Объекттің артыңғы қабатына біртүстік фонына кез келген түспен түсіруге болады, дегенмен дүниежүзілік стандарт бойынша жасыл және көк біртүстер қабылданған. Стандартқа сәйкес киноларды түсіруде жасыл түс қолданылады, ал теледидарда көк түс қолданылады. Ескерту: егер адамда немесе заттарда сондай түстер бар болса, онда сол жері көрініссіз болып қалады, яғни артыңғы қабаты көрініп қалады.

Бұл – бірнеше бейнені бір композицияға біріктіру. Яғни, хромакей әдісін пайдаланғаннан кейін экранда шын өмірде болмаған жаңа көрініс пайда болады. Бала кезде көбісі бір суретті қиып алып, оны басқа суреттің үстіне жабыстырып ойнағандай хромакей де сол жүйе бойынша жұмыс жасайды. Әр бейне жеке-жеке түсіріліп немесе компьютермен салынады да, кейін бірінің үстіне бірі жабыстырылады. Нәтижесінде толыққанды композиция құрылады.

Телевидение саласында және қазіргі заманғы киноөндірісінің сандық технологиясында қолданылатын түстердің рирпроекциясы. Түсірілім барысында нысан бір түсті түс фонына орналастырылады.

Рир-проекция кезінде кең қолданылатын түстер - жасыл және көк түстер, себебі мұндай түстер адам терісінде жоқ. Алайда, практикалық тұрғыдан қара түс те, ақ түс те қолданылуы мүмкін. Киноөндірісінде аралас түсірілімдер үшін фонның түсі ретінде кең таралған түс - жасыл түс ("Green screen" технологиясы деп аталады), телевизиялық хабарлар үшін көк түс пайдаланылады. Дегенмен рир-экранның түсі режиссердің шығармашылық міндетіне және рир-проецирлеу жүргізілетін жабдықтың сипаттамасына да байланысты болады.

Сыртқы сілтемелер[өңдеу | қайнарын өңдеу]