Римма Семеновна Цаканян

Цаканян Римма Семеновна. 1959 жылы 7 қазанда Әзірбайжан КСР Кировабад қаласында туған. Армян. Әкесі - Цаканян Симон, зейнеткер, қаржыгер болып жұмыс істеген. Анасы - Мхитарян Арсена Давыдовна, марқұм, дәрігер болып еңбек еткен. Талдықорған педагогикалық институтының педагогика және психология факультетін (1990) психолог мамандығы бойынша; Қазақ халықаралық құқықтық қатынастар институтын (2006) заңгер мамандығы бойынша бітірген. Орыс, армян және ағылшын тілдерін біледі. 1993 жылдан - Алматы қаласындағы «ГОАР» ЖШС вице-президенті. 2007 жылдан бері - «ARVEST» көркем галереясының директоры. «Луйс» Армян мәдениет орталығы басқарма мүшесінің атынан Алматы қаласындағы Қазақстан халқы кіші ассамблеясының Достық үйінде баяндама жасаған. «Қазмұнайжолқұрылыс» компаниясы грамоталарымен марапатталған. Діни көзқарасы - христиан. Саяси қайраткер ретіндегі идеалы - Ф. Рузвельт. Қазақстанның болашаға туралы болжамы - «Қазақстанның болашағындағы дамуға, тұрақтылық пен қауіпсіздікке сенемін». Хоббиі - өнер, теннис, бридж. Сүйіп оқитын әдебиеті - И. Ефремов, М. Веллер, Э. Золя,Л. Фейхтвангер, М. Дрюон, А. Севок. Тұрмыс құрған. Жұбайы - Борян Акоп. Ұлдары - Армен,Гоар.