Цестодатәрізділер

Уикипедия — ашық энциклопедиясынан алынған мәлімет
Jump to navigation Jump to search
Cestodarіa

Цестодатәрізділер (Cestodarіa) — жалпақ құрттардың бір класы. Дене құрылысы жағынан таспа құрттарға өте ұқсас. Негізгі ерекшеліктері: денесі буындалмаған; жыныс жүйесі бір кешенді болып келеді; ұрығының он ілмешегі болады, сондықтан ол ликофора деп те аталады. Цестодатәрізділердің 2 отряды бар. Гирокотилида (Gyrocotylіdea) отрядының өкілдері химер балығының ішегінде паразиттік тіршілік етеді. Денесінің артқы жағында қатпарланған жапырақ тәрізді тіркелгіш дискісі, алдыңғы жағында сорғышы бар. Амфилинидтер (Amphіlіnіdea) отрядының негізгі өкілі — амфилина (Amphіlіna folіacea). Ол бекіре балықтарының дене қуысында тіршілік ететін паразит, ұзындығы 5 см, жапырақ тәрізді. Ликофора ұрығы аралық иесінің (шаянтәрізділердің) ішінде процеркоид дернәсіліне дейін дамиды. Аралық иесін жұту арқылы процеркоид бекіренің дене қуысына өтіп, ересек түріне айналады. Амфилина ЕділКаспий атырабында және Сібір өзендерінде кең тараған.

Ciлтемелер :[өңдеу | қайнарын өңдеу]

«Қазақстан»: Ұлттық энцклопедия / Бас редактор Ә. Нысанбаев – Алматы «Қазақ энциклопедиясы» Бас редакциясы, 1998 жыл. ISBN 5-89800-123-9, IX том