Цзэн Цинхун
| Цзэн Цинхун | |
өңдеу  |
Цзэн Цинхун[1] - 2003-2008 жылдары ҚХР Төрағасының орынбасары.
Өмірі[өңдеу | қайнарын өңдеу]
1939 жылы Цзянси провинциясында туған, 24 жасында Бейжің өнеркәсіп институтының автоматтық бақылау факультетін бітірген соң 16 жыл ҚХР Халық азаттық армиясында түрлі лауазымдарда қызмет атқарды. 1979 жылдан 1983 жылға дейін Цзэн Цинхун Мемлекеттік жоспарлау комитетінде, Мұнай өнеркәсібі министрлігінде түрлі қызметтер атқарады. 1984 жылы ол партиялық жұмысқа ауысып, ҚКП Шанхай қалалық комитетінде бөлім меңгерушісінің орынбасары, содан кейін бөлім меңгерушісі болады, көп кешікпей бюро мүшесі және жауапты хатшы болып тағайындалады. 1993 жылы Бейжіңге оралып, ҚКП Орталық комитетінде Кеңсе бастығы, Орталық комитетке тікелей бағынатын Мекемелер істері жөніндегі жұмысшы комитетінің хатшысы болып істейді. Ал 1997 жылы Цзэн Цинхун ҚКП ОК Саяси бюросының мүшелігіне кандидат, ҚКП ОК Хатшылығының мүшесі болады.
- 1999 жылы оның соңғы екі лауазымына ҚКП Орталық комитетінің ұйымдастыру жұмыстары жөніндегі бөлімінің меңгерушісі лауазымы қосылады. 2002 жылы ол ҚКП ОК Саяси бюросы Тұрақты комитетінің мүшесі, сондай-ақ ҚКП Орталық комитетінің мүшесі болып сайланады.
- 2003 жылғы наурыздан бастап – ҚХР Төрағасының орынбасары
Дереккөздер[өңдеу | қайнарын өңдеу]
- ↑ “Қазақстан”: Ұлттық энцклопедия/Бас редактор Ә. Нысанбаев – Алматы “Қазақ энциклопедиясы” Бас редакциясы, 1998 ISBN 5-89800-123-9
 | Бұл мақаланы Уикипедия сапа талаптарына лайықты болуы үшін уикилендіру қажет. |
|
Бұл — тұлға туралы мақаланың бастамасы. Бұл мақаланы толықтырып, дамыту арқылы, Уикипедияға көмектесе аласыз. Бұл ескертуді дәлдеп ауыстыру қажет. |