Сергей Мефодьевич Цхай

Сергей Мефодьевич Цхай (1934 , Ресей, Еврей автономиялық облысы Биробиджан ауданы К.Либнехт атындағы ұжымшар) – техника ғылымдарының докторы (1990), профессор (1991).

Саратов мемлекеттік университетін бітірген (1959) соң осы университетте инженер-механик (1959–1962), Қазақ КСР-і Мемлекеттік жоспарлау комитеті жанындағы Экономика ғылыми-зерттеу институтында кіші ғылыми қызметкер, аға инженер-экономист, бөлім бастығы (1960–1967), Есептеу орталығында бөлім бастығы (1967–1970), бас инженер (1970–1971), КСРО Орталық статистика басқармасының Технологиялық-жобалау институтында бас конструктор, институт директорының ғылыми жұмыстар жөніндегі орынбасары (1971–1974), Алматы халық институтында (қазіргі Қазақ экономика университеті) бөлім меңгерушісі (1974–1977), доцент (1977– 1989), Қарағанды қаласындағы Қазақ тұтынушылар кооперативі институтында кафедра меңгерушісі, институттың ғылыми жұмыстар жөніндегі проректоры (1989–1995) қызметтерін атқарды. 1995 жылдан Қазақ мемлекеттік басқару академиясында (қазіргі Қазақ экономика университеті) профессор.

1989 жылы «Задачи календарного планирования на сети сложной структуры» деген тақырыпта докторлық диссертация қорғады. 60-тан астам ғылыми жарияланымның, оның ішінде 4 монографияның авторы.