Чистов совхозы

Чистов совхозы - Солтүстік Қазақстан облысы, Булаев ауданында 1930 жылы құрылған совхоз. Орталық мекені - Чистов совхозы. Негізгі өндірісі: астық өсіру, оған қосымша сүт алу бағытындағы ірі қара шаруашылығымен айналысқан. Ауыл шаруашылығына пайдаланылатын жер ауданы - 22393 га, оның 18601 га-сы жыртылған. Шаруашылықта 137 трактор, 48 астық комбайндары, 86 жүк машиналары т.б техника , 6422 ірі қара, оның ішінде 980-сі сауын сиыр, 160 жылқы қолданылады. 11 бесжылдыққа орта есеппен жылына 14,9 мың т астық, 2369 т сүт, 1036 т ет өндіріп, мемлекетке 8,2 мың т астық, 1782 т сүт, 459 т ет өткізді.Әр сауын сиырдан 2722 кг сүт алады. Ауыл шаруашылығының жалпы орташа өнім мөлшері 3,7 млн сом, өткізілген өнімдердің сомасы 4,8 млн соманы құраса, таза табысы 1,8 млн сом болды. Совхозда үш мектеп, төрт балалар бақшасы, үш клуб т.б мәдени тұрмыстық қызмет көрсету органдары болған. 87 адамы КСРО ордендеріне және медальдарына, ал олардың сегізі Ленин орденіне ие болған. Социалистік еңбек ерлері: А.Д.Боридинько, Куранов еңбек еткен. Совхоз бірінші дәрежелі Отан соғысы орденімен марапатталған.