Шайх-Хасан Сатарқұлұлы Жазықбаев
Шайх-Хасан Сатарқұлұлы Жазықбаев (20 қыркүйек 1976, Жамбыл облысы) — қазақстандық әскери қайраткер, инженер және генерал-майор. 2024 жылдан бастап Қорғаныс министрінің орынбасары.
Өмірбаяны
[өңдеу | дереккөзін өңдеу]1976 жылы 20 қыркүйекте Жамбыл облысы, Мойынқұм ауданы, Карл Маркс ауылында дүниеге келді.
1999 жылы Ресейдегі Н.Н. Воронов атындағы Пенза әскери артиллериялық инженерлік училищесін жылу және импульстік инженер мамандығы бойынша тәмамдағаннан кейін 2004 жылға дейін 74261 әскери бөлімінің Автоматты бағыттаушы компания қызметі бастығының көмекшісі болды.
Жазықбаевтың алғашқы қызметтері әскери батальондарда өтті:
2004—2006 жылдары 28079 әскери бөлімінің рота командирі;
2006—2007 жылдары 89427 әскери бөлімінің Қазақстандық бітімгерлік батальоны «Қазбаттың» инженерлік-саперлік (арнайы мақсаттағы) жасақты қамтамасыз ету тобының командирі;
2007—2008 жылдары 89427 әскери бөлімінің Қазақстандық бітімгерлік батальоны «Қазбаттың» командирінің орынбасары;
2008 жылғы мамыр—маусым айларында 28079 әскери бөлімінің штаб бастығы — батальон командирінің орынбасары;
2008—2013 жылдары 28079 әскери бөлімінің Қазақстандық бітімгерлік батальонының командирі болып еңбектенді.
2013 жылы Ұлттық қорғаныс университетін әскери-әкімшілік басқару мамандығы бойынша тәмамдағаннан кейін маусым—қыркүйек айларында 61993 әскери бөлімінің командирінің бірінші орынбасары — штаб бастығы болса, 2016 жылға дейін сол бөлімнің командирі атанды.
2016—2017 жылдары Аэромобильді әскерлер қолбасшысының жауынгерлік даярлық жөніндегі орынбасары —Жауынгерлік даярлық басқармасының бастығы болды.
2019 жылы Ресей Қарулы Күштері Бас штабының Әскери академиясын ұлттық қауіпсіздік және мемлекеттік қорғаныс мамандығы бойынша аяқтап келгеннен кейін «Батыс» өңірлік қолбасшылығы әскерлерінің штаб бастығы —қолбасшының бірінші орынбасары болып тағайындалды.
2 жылдан кейін Қазақстан Президентінің қаулысымен «Астана» өңірлік қолбасшылығы әскерлерінің қолбасшысы болып тағайындалды.[1][2]
2023 жылы Қазақстан Президентінің қаулысымен лауазымынан босатылып Қорғаныс министрінің қаулысымен Қарулы Күштер Бас штабы бастығының орынбасары болып тағайындалды.[3]
2024 жылы Қазақстан Президентінің қаулысымен Қорғаныс министрінің орынбасары болып тағайындалды.[4]
Жеке өмірі
[өңдеу | дереккөзін өңдеу]Үйленген, 3 баласы бар.[5]
Марапаттары мен атақтары
[өңдеу | дереккөзін өңдеу]- Генерал-майор (2022)[6];
- ІІ дәрежелі Даңқ ордені;
- ІІ дәрежелі Айбын ордені.
Дереккөздер
[өңдеу | дереккөзін өңдеу]- ↑ Мемлекет басшысының өкімдерімен: (қаз.). Қазақстан Президентінің ресми сайты (22 маусым 2021). Тексерілді, 27 маусым 2025.
- ↑ Мемлекет басшысының өкімімен Шайх-Хасан Саттарқұлұлы Жазықбаев «Астана» өңірлік қолбасшылығы әскерлерінің қолбасшысы лауазымынан босатылды (қаз.). Қазақстан Президентінің ресми сайты (7 қараша 2023). Тексерілді, 27 маусым 2025.
- ↑ Генерал-майор Шайх-Хасан Жазықбаев ҚР ҚК Бас штабы бастығының орынбасары болып тағайындалды (қаз.). Мемлекеттік органдардың интернет-ресурстарының бірыңғай платформасы (11 қараша 2023). Тексерілді, 27 маусым 2025.
- ↑ Мемлекет басшысының өкімімен Шайх-Хасан Саттарқұлұлы Жазықбаев Қазақстан Республикасы Қорғаныс министрінің орынбасары лауазымына тағайындалды (қаз.). Қазақстан Президентінің ресми сайты (9 ақпан 2024). Тексерілді, 27 маусым 2025.
- ↑ Жазыкбаев Шайх-Хасан Сатаркулулы (персональная справка) (орыс.). online.zakon.kz. Тексерілді, 27 маусым 2025.
- ↑ Жоғары әскери және арнаулы атақтар, сыныптық шендер және біліктілік сыныптарын беру туралы (қаз.). Қазақстан Президентінің ресми сайты (6 мамыр 2022). Тексерілді, 27 маусым 2025.