Шалтабай

Шалтабай Алпарұлы (шамамен 1830 — 1900) — батыр, ақын. Ұлы жүз албан ішінде құрман руынан.^[1] Патшалық Ресейдің отаршылдық саясатына қарсы күрескен. 300 жігіттен жасақ құрып, Тазабек Пұсырманұлы бастаған көтеріліске қатысқан. Өз жасағымен Қарқара өңіріндегі орыс әскерлеріне астыртын шабуыл ұйымдастырды. Сондай әрекеттері үшін 1871 жылы ұсталып, он жылға бас бостандығынан айрылған. Жазасын өтеп оралғаннан кейін, қырғыз еліне кетуге мәжбүр болды. Сол жақта дүние салған. Шалтабай туралы мәліметтер мен оның өлеңдерін алғаш Ілияс Жансүгіров хатқа түсірген. Айдауда жүріп шығарған “Менің атым — Шалтабай” әні қазір ел ішінде орындалып жүр. ^[2]