Шалқарнұра кемері
Шалқарнұра кемері | |
Сипаттамасы | |
---|---|
Теңiз деңгейiнен биіктігі | 239 м |
Солтүстіктен оңтүстікке дейінгі қашықтық | 25 км |
Батыстан шығысқа дейінгі қашықтық | 70 км |
Орналасуы | |
48°27′14″ с. е. 62°38′18″ ш. б. / 48.45389° с. е. 62.63833° ш. б. (G) (O) (Я)Координаттар: 48°27′14″ с. е. 62°38′18″ ш. б. / 48.45389° с. е. 62.63833° ш. б. (G) (O) (Я) | |
Ел | Қазақстан |
Аймақ | Ақтөбе облысы |
Шалқарнұра кемері – Торғай үстірті мен Ұлытау таулары аралығында, Торғай қолатының шығысын ала орналасқан аласа таулы кемерлер тізбегі.
Географиялық орны[өңдеу | қайнарын өңдеу]
Ақтөбе облысы Ырғыз ауданы жерінде орналасқан.
Жер бедері[өңдеу | қайнарын өңдеу]
Шалқарнұра кемері солтүстіктен оңтүстіккке қарай, одан әрі батыстан шығысқа қарай доғаша иіліп 70 км-ге созылып жатыр. Енді жері 25 км. Ең биік жері орта тұсында (239 м). Сай-жыралармен, шағын шатқалдармен тілімденген бірнеше аласа шоқылар (Жаманай, 209 м, Жанайшоқы, 190 м) кездеседі.
Геологиялық құрылымы[өңдеу | қайнарын өңдеу]
Кемердің жер қыртысы архей және протерозойдың тақтатас, кварцит және олардың туфтарынан түзілген. Кейбір жерлерде эффузивті тау жыныстары кездеседі. Торғай даласына қарайтын кемерленген батыс, оңтүстік-батысы құмды саздақтардан түзілген.
Климаты, су жүйесі[өңдеу | қайнарын өңдеу]
Климаты тым континенттік. Қаңтар айының жылдық орташа температурасы –16 — 180С, шілденікі 20 — 220С. Жауын-шашынның жылдық орташа мөлшері 300 мм-ге жуық. Солтүстігінің орта тұсында жазда кеуіп қалатын шағын келген Баймұрат өзені бастау алады. Құрғақ шөлейтті далаға ұласатын солтүстік, солтүстік-шығыс бөлігінде бірнеше тұзды көлдер (Үлкенкөл, Кішікөл) орналасқан. Оңтүстігінде Шалқартеңіз соры жатыр. Батыс бөлігінен Торғай өзені ағып өтеді.
Өсімдігі[өңдеу | қайнарын өңдеу]
Бетеге, боз, селеу, жусан өскен. Мал жайылымына пайдаланылады. Тау етектері мен кемерлер табанында тұщы бұлақтар (Аққұдық, Балта, тағы басқа) мен қыстаулар (Қызтау, Айырбидайық, Берістен, тағы басқа) жайласқан.[1]
Дереккөздер[өңдеу | қайнарын өңдеу]
- ↑ Қазақ энциклопедиясы, 9 том 18 бөлім