Шалқар газеті

Шалқар, Шалқар-2
شالقار
Шалқар газетінің логотипі
Түрі	қоғамдық-мәдени апталық газет
Форматы	А3
Баспашы	Мұса Дінішов
Редакторы	Жаңыл Әпетова
Құрылған жылы	1976 жыл желтоқсан
Тілі	қазақша
Мерзімділік	апталық
Бас кеңсесі	Алматы

Мақаланың дыбысталған нұсқасы (29 қыркүйек 2015 ж.)

Шалқар газеті — Қазақстандағы төте жазумен шығатын жалғыз басылым. 1976 жылдың желтоқсан айынан бастап шет елдерде тұратын қазақтармен байланыс орнату мақсатында “Біздің Отан” деген атпен шыға бастаған. Газет негізінен қазақтар ең көп шоғырланған Қытай Халық Республикасындағы қандастарға арналғандықтан солар қолданып жүрген төте жазумен (араб графикасы негізінде) шығарылып, айына 2 рет жарық көрді. Газет А3 форматта 4 бет болып, әлемнің 30-ға жуық еліне 40 мың тиражбен тарады. Бұл газет Мәскеудегі “Отан” қоғамының Қазақстандағы бөлімшесінің атынан шықты. 1990 жылы “Отан” қоғамының қазақстандық бөлімшесі “Қазақстан” қоғамы болып қайта құрылды да, осыған байланысты “Біздің Отан” газеті қазіргі атына өзгертіліп, көлемін кеңейтіп, апталық газетке айналды. 1976 — 86 жылы газеттің алғашқы редакторы, белгілі журналист Мұса Дінішов болды. 1986 — 96 жылы газетке Уақап Қыдырханұлы, 1996 — 98 жылы Әділғазы Қайырбеков редактор болды. Газет 1999 — 2000 жылы жабылып, 2000 жылдан “Шалқар-2” деген атпен қайта шықты. Қазіргі редакторы — Жаңыл Әпетова. “Шалқар” газеті өз беттерінде шет елдегі қазақ диаспорасының мәселелері, оралмандар жағдайы, көші-қон, әдебиет, мәдениет, дін, тарих және этнография, тағы басқа тақырыптарды көтеріп отырады. А3 форматпен 6 бет болып, аптасына бір рет жарық көреді.

Сілтемелер

• Алаш
• Ұлан
• Караван

Дереккөздер

• 
  Шалқар газетінің 1995 жылғы басылымы
• 
  Шалқар-2 газетінің 2003 жылғы басылымы
• Сурет:Біздің Отан газетінің 1988 дылғы басылымы