Шарафи Есмұханұлы Әлжанов

Шарафи Есмұханұлы Әлжанов(19.2.1901, Көкшетау, қазіргі Ақмола облысы – 1938, Алматы қаласы) – қоғам қайраткері, ғалым-педагогокилық Шортандыдағы (Көкшетау) бастауыш училищені (1918),Мәскеу педагогикалық академиясының аспирантурасын (1932) бітірген. 1932–1938 жылы ҚазПИ-де кафедра меңгерушісі, Қазақ АКСР-і Оқу-ағарту халық комиссариатының Мектептер жөніндегі ғылым-зертеу институтының директоры болды. Әлжанов ұлттық маман даярлау мен педагогикалық ғылымы мәселелеріне арнап 20-дан астам ғылыми еңбек жазды. Педагогикалық саласындағы әдебиеттер мен халық ағарту ісі жайлы жетекші материалдарды қазақ тіліне аудару үшін қажетті терминология жасау мәселесімен шұғылданды. Өз еңбектерінде – бастауыш, орта және жоғары мектептердің Қазақстан дамуына сәйкес мақсат-міндетін, ұйымдастыру мен басқару мәселелерін ғылым негізде қарастырды. Оқу-тәрбие әдістемелерін жетілдіруді жан-жақты зерттеді,білім мен тәрбие арасында өзара байланыстылықтың қажеттігін педагогика, психология ғылымдары негізінде дәлелдеді. Әлжанов «халық жауы» деген жаламен ұсталып, КСРО Жоғары соты әскери коллегиясы жылжымалы сессиясының 10.11.1938 жылы үкімімен атылды. КСРО Жоғары соты әскери алқасының 30.7.1959 жылы шешімімен ақталды.