Шаға (қойнау)

Шаға – қойнау. Шетпе-Жармыш жолы бойында, Қаратау жотасында орналасқан. Пішіні доға тәрізді. Тау-тастарының бұл тұстағы түрі қалыптағыдан өзгеше келеді. Үстіңгі беткейі пермь, триас шөгінділерінен тұрады және көкшіл қара, одан төмен қызғылт, жалқын көк, ақшыл жыныстардан түзілген. Қойнаудың солтүстік бетін түгел сары түсті тасты аңғар қоршап жатыр. Аңғар табанымен тұщы бұлақ ағады. Бұлақ жиегінде суы тұщы құдық бар. Қойнау табанының топырағы саздауытты сортаң келген. Қалың ши өседі.