Шағылыс айналымы, жыныстық айналым

Шағылыс айналымы, жыныстық айналым - күйлеу кезеңіндегі ұрғашы малдың жыныстық торшасының-яйцеклеткасының толығып, ұрықтануға дайын болу мерзімі. Шағылыс айналымы күйі келген кезде шағылыстырғанда не ұрықтандырылған малдың тоқтамай, қайта күйлеу мерзімімен есептейді. Бұл мерзім сиыр үшін - 20-22, саулық үшін - 16-18, бие үшін - 20-23 күнге тең. Шағылыс айналымы барысыңда осы мерзімде нәтижелі ұрықтандырылмаған ұрғашы мал қайта күйлейді. Оны шағылыс айналымы сыртқы белгілері бойынша немесе анықтаушы аталық мал жіберіп анықтайды да, күйлеу кезеңінде аналық бастарды кем дегенде екі рет шағылыстырып не ұрықтандырады, яғни бұл кезең екі шағылыс айналымы толық қамтуы керек.