Шағын мектеп

Шағын мектеп - параллельді сыныптарсыз, оқушылардың саны шағын мектеп. Көптеген елдерде, әсіресе, ауылдық жерлерде кең тараған. КСРО-да 70-жылдардың басына дейін «шағын мектеп» термині екі, үш не төрт сыныптың оқушылары, барлығын косқанда саны 15-тен аспаса, бір жиынтық сыныпқа біріккен бастауыш мектепке қатысты қолданылған. Жиынтық-сыныппен бір мұғалім жұмыс істейді. Егер шағын мектеп 2 не 3 жиынтық сынып болса, онда соған сәйкес 2 не 3 мұғалім жұмыс істейді. Педагогика процесте біршама қиыншылық тудыратын бастауыш шағын мектеп өзгешелігі бір сынып оқушыларының, мұғалім екінші сыныппен жұмыс істеп жатқанында өздігімен жұмыс істеулерінің қажеттілігінде. Бұл проблеманы шешуге шағын мектеп арналып жасалған дидактикалық материалдар көмектеседі. Олар оқушылардың әрекетін бағыттайтын алгоритмдік көрсеткіштерден тұрады. Бірқатар шағын мектеп мұғалімнің қызметін ауыстыратын, сөйтіп оқушылардың өздік жұмыстарын оңтайландыратын лингафондық құрылғылар қолданылады.