Шағырбидай

Шағырбидай
	; Melica ciliata
Ғылыми топтастыруы
Дүниесі:	Өсімдіктер;
(unranked)	Дара жарнақтылар;
(unranked)	Commelinids;
Сабы:	Poales;
Тұқымдасы:	Poaceae;
Кіші тұқымдасы:	Pooideae;
Тайпасы:	Meliceae;
Тегі:	Melica; L.
түрлері
	80 түрі белгілі

Шағырбидай (лат. Melica) – астық тұқымдасына жататын көп жылдық шөптесін өсімдіктер. Қоңыржай аймақтары мен тропика тауларында өсетін 80 түрі белгілі. Қазақстанның далалық жерлерінде, орман шетінде, бұталар арасында өсетін 7 түрі бар. Бұлардың биіктігі 20 — 90(150) см. Тамыр сабақтары ұзын, сабақтары тік, жалаң, кейде бұдыр болады. Жапырақтарының ені 2 — 6 мм, бұдырлы келеді. Гүлшоғыры жіңішке, көбінесе бір жағына қарай иілген сыпыртқы. Масағы 1 — 3 гүлді, масақ қылтаны екеу, гүл қылтаны қысқа. Мамыр — шілде айларында гүлдеп, жемістенеді. Шағырбидай — мал азықтық шөп. Биік Шағырбидайды (M. altіssіma) әсемдік үшін өсіреді.^[1]