Шақыру белгілері

Шақыру белгілері — бірлестіктердің, құрамалардың, бөлімдердің (кемелердің, ұшақтардың), бөлімшелердің байланыс тораптары мен байланыс станцияларына, сондай-ақ командирлерге және де басқа лауазымдық түлғаларға, оларды техникалық байланыс құралдарымен шақыру барысында шын аттарын қарсыластан жасыру мақсатында берілетін шартты сөзден немесе әріптерден, сандардан құралган тіркестер. Әрбір байланыс торабы, станция, лауазымдық тұлға байланысты ұйымдастырушы штаб ұйғарымымен белгілі бір уақытта қолданымға кіргізілетін өз Шақыру белгілерін алады. Әскери-теңіз флотында сондай-ақ кемелерге және кеме бірлестіктеріне радиотехникалық, жарықпен белгі беру құралдарымен, сонымен бірге тану үшін жалаулармен берілетін шақыру белгілері беріледі. Кемелер кеме ыктырмасына кіре берісте, кеме ықтырмасынан шыкқанда, жүзіп келе жатқанда бір-бірімен кездескенде өздерінің шақыру белгілерін көрсетеді. Шақыру белгілерінің белгілену тәртібі, жиынтығы мен ауысымы нұскаулармен анықталады. Шақыру белгілеріді өз еркімен белгілеуге тыйым салынады.