Шекіме

Шекіме— метал өңдеу техникасының бір түрі.

1) Қаңылтыр бетіне бедерлі бейнелер салу; ол қаңылтырды жүзі мұқалған жұмырлау келген шапқы тәрізденген шеку аспабын арнайы жасалған батырғы балғашамен соғу арқылы түсіріледі. Метал өңдеу мен одан неше түрлі сәнді бұйымдар жасау ұсталық-көркемдік әдістердің ерте кезден өріс алып дамығанын байқатады. Мысалы, Қазақстанның Есік қорғанынан табылған сақ жауынгерінің таза алтыннан құйылып, соғылған алуан түрлі сәндік бұйымдары мен сауыт-саймандарының жасалу тарихы б.з.б. 4 — 5 ғасырларға саяды. 2) Көркем құйма бұйымдармен сомдалған мүсіндемелердің кейбір кедір-бұдыры мен жапсар-жымын өңдеп тегістеу, ұсақ-түйек бөлшектерін әдемілеп әрлеу. 3) Медальдармен шақалар, т.б. бұйымдардың бетіне бедер түсіру; бұл оймалы бейнелер мен жазуларды қол күшімен немесе преске қойылған құрыш мөрқалып — пуссонмен соғу арқылы жасалады.