Шелек ауданы

Уикипедия — ашық энциклопедиясынан алынған мәлімет
Навигацияға өту Іздеуге өту
Аудан
Шелек ауданы
Әкімшілігі
Ел

 Қазақстан

Кіреді

Алматы округі, Алматы облысы

Енеді

10 ауылдық округ

Әкімшілік орталығы

Шелек

Тарихы мен географиясы
Құрылған уақыты

1928

Таратылған уақыты

23 мамыр 1997

Тұрғындары
Тұрғыны

99 115 адам (2009)

Шелек ауданы — 1928-1997 жылдары болған Алматы округі, Қазақ АКСР және Алматы облысындағы әкімшілік бірлік.

Тарихы[өңдеу | қайнарын өңдеу]

Шелек ауданы 1928 жылы Қазақ АКСР Алматы округінің құрамында Жетісу губерниясының Алматы уезінің жойылған Жанашар және Шелек болыстарының аумағында құрылды.

1930 жылы 17 желтоқсанда округтардың таратылуына байланысты Шелек ауданы Қазақ АКСР-нің тікелей бағыныштылығына өтті[1].

1932 жылы 20 ақпанда Шелек ауданы Алматы облысына бекітілді. Сол кезде оның құрамына Азат, Александров, Анатольев, Асса, Байсейіт, Жанашар, Евгене-Маловодный, Қаражота, Қаратұрық, Қызылжиде, Қайнұқ, Киікбай, Куликов, Купластов, Қорам, Лавар, Малыбай, Масақ, Нариман, Ойжайлау, Октябрь, Садыр, Ташкенбайсаз, 1-Ұйғыр, 2-Ұйғыр мен Шелек ауылдық кеңестері кірді.

Сол жылы Еңбекшіқазақ ауданынан Шелек ауданына №11 (Сүгір ауылдық кеңесі болып өзгертілді), №12 (Малыбай ауылдық кеңесіне кірді), № 14 (Гигант ауылдық кеңесі болып өзгертілді), № 13 (Жуантөбе ауылдық кеңесі болып өзгертілді) ауылдық кеңестері ауыстырылды. Александров, Анатольев, Евгене-Маловодный және Купластов ауылдық кеңестері Шелек ауданынан Еңбекшіқазақ ауданына ауыстырылды. Қайнұқ, Куликов, Лавар, Ойжайлау және 1-Ұйғыр ауылдық кеңестері жойылды.

1933 жылы Шелек ауданынан Азат, Жанашар, Садыр, 2-Ұйғыр, Нариман және Ташкенбайсаз ауылдық кеңестері Еңбекшіқазақ ауданына ауыстырылды. Октябрь ауылдық кеңесі Алматы қаласының әкімшілік бағынысына берілді. Анатольев, Жаңатұрмыс және Тескенсу ауылдық кеңестері Еңбекшіқазақ ауданынан Шелек ауданына ауыстырылды.

1947 жылы Жуантөбе ауылдық кеңесі жойылды.

1954 жылы Анатольев, Асса, Жаңатұрмыс, Қызылжиде, Киікбай және Сүгір ауылдық кеңестері жойылды. Ауданда 9 ауылдық кеңес қалды: Байсейіт, Гигант, Қаражота, Қаратұрық, Қорам, Малыбай, Масақ, Тескенсу және Шелек.

1957 жылы Октябрь ауылдық кеңесі құрылды.

1963 жылы 2 қаңтарда жойылған Еңбекшіқазақ ауданының Евгене-Маловодный және Қаракемер ауылдық кеңестері Шелек ауданына қосылды. Сол жылы Масақ, Малыбай, Қаражота, Қорам, Тескенсу және Қаракемер ауылдық кеңестері таратылды. Гигант ауылдық кеңесі Асса болып өзгертілді.

1966 жылы Евгене-Маловодный ауылдық кеңесі қалпына келтірілген Еңбекшіқазақ ауданына берілді.

1967 жылы Масақ және Тескенсу ауылдық кеңестері құрылды.

1972 жылы Қаражота және Қорам ауылдық кеңестері құрылды.

1983 жылы Қазақстан, Малыбай және Нұра ауылдық кеңестері құрылды.

1986 жылы аудан құрамына 11 ауылдық кеңес кірген: Аса, Қазақстан, Қаражота, Қаратұрық, Қорам, Малыбай, Масақ, Нұра, Октябрь, Тескенсу, Шелек.[2]

1997 жылы Малыбай ауылдық кеңесі жойылды.

1997 жылы 23 мамырда Шелек ауданы жойылып, оның аумағы Еңбекшіқазақ ауданына берілді.

Халқы[өңдеу | қайнарын өңдеу]

1939 1959 1970 1979 1989[3]
 20105 35830 60374 71875 84907

Дереккөздер[өңдеу | қайнарын өңдеу]

  1. Қазақстанның әкімшілік-аумақтық бөлінісі туралы анықтама (1920 ж. тамыз - 1936 ж. желтоқсан) / Базанова Ф. Н. — Алматы: Қазақ КСР ІІМ мұрағат басқармасы, 1959. — 288 б. — 1500 таралым.
  2. Қазақ КСР. 1986 жылғы 1 қаңтарға әкімшілік-аумақтық бөлініс
  3. Ресей империясы, КСРО халық санақтары