Шируан

Шируан- Солтүстік Азербайжандағы тарихи облыс. "Шируан" атауы Сасани әулеті дәуірінен (226-651) "Шаруан" деген атпен белгілі. 654 ж. Шируанды арабтар жаулап алды да, әуелі Шируаншаһ әулетінің негізін қалаушы Йазилер (681-1027), сонан соң Кесранилер (1027-1382) және Дербенилер әулеттерінің (1382-1538) мұрагерлер иелігі болды.12-13 ғ-да Шируан Грузиямен жақындасып, 1465-66ж. Россиямен байланыс орнатты. Шируан ірі мәдени орталыққа айналды, Низами, Хагани,Фелеки осында тұрып,шығармаларын жазды. Сефеви әулеті мемлекетінің күшеюіне байланысты Ш. оған тәуелді болды.1748 ж. Ш. территориясында дербес Шируан хандығы құрылды.

Дереккөздер

Қазақ Совет Энциклопедиясы